Star Citizen
| Titl | Star Citizen  |
|---|---|
| Tachenn | C'hoari video enlinenn bras-niver, tenn kentañ-sell, c'hoari video skiant-faltazi, space flight simulation game, space trading and combat game |
| Diorroer | Cloud Imperium Games |
| Ti-embann | Cloud Imperium Games |
| Savenn | Microsoft Windows |
| Bro orin | Rouantelezh-Unanet, Stadoù-Unanet, Alamagn |
| Yezh an oberenn pe an anv | saozneg |
| Sevener | Chris Roberts |
| Sonaozer | Pedro Macedo Camacho, Geoff Zanelli |
| Hollved faltaziek | Star Citizen universe |
| Doare c'hoari | c'hoari video liesc'hoarier, co-op mode |
| Game mechanics | bed digor |
| Treset gant | Chris Roberts |
| Lusker grafik | Star Engine |
| Diaz embann | embannadur niverel, pellgargañ niverel |
| Software version identifier | 3.23.0 |
| Renkadur USK | USK 12 |
| Lec'hienn ofisiel | https://robertsspaceindustries.com/star-citizen |
| Official wiki URL | https://starcitizen.tools |
| FAQ URL | https://starcitizen.tools/Frequently_Asked_Questions |
| Hashtag | starcitizen |
| Aotre-implijout | proprietary license |
| Statud ar gwirioù-oberour | gant gwirioù aozer |
| A implij | Easy Anti-Cheat |
| Doare arc'hantaouiñ | arc'hantaouiñ a-stroll, games as a service |
| Patrom aferioù | early access |
| Endro e-lec'h e tispak | Egor, planedenn ijinet |
| Kenglotus gant | Linux |
| Announcement date | 10 Her 2012 |
Star Citizen zo ur c'hoari video enlinenn bras-niver, drevezadur nijadennoù egorel diorroet gant Cloud Imperium Games war ar savenn Windows. Un adlañs eo eus ar c'hoari diembann Freelancer (2003). Diorroadur Star Citizen a zo renet gant Chris Roberts. Ar c'hoari a oa bet kemennet e 2012 hag a oa bet arc'hantaouet gant ur c'hampagn war Kickstarter a oa bet o rastellañ 2 vilion a zollarioù.[1] Goude ouzhpenn evit dek vloaz o labourat war ar steuñv, n'eus ket c'hoazh eus un deiziad embann evit echuiñ gant ar stumm early access eus Star Citizen.
E miz Eost 2025, Roberts en doa embannet en un atersadenn e oa Star Citizen o klask bezañ lañset da vat er bloavezh 2027 pe 2028, padal ar stumm unc'hoarier spin-off, Squadron 42, a zo da vezañ embannet e 2026.[2][3]
E 2013, Cloud Imperium Games a oa kroget da embann lodennoù eus ar c'hoari, anvet "modules", da reiñ an tu d'ar c'hoarierien da gaout un tañva ouzh an doare da c'hoari a-raok ma vije embannet. Al lodenn "hollved padus" a oa bet tu da c'hoari evit arnodiñ d'ar rak-prenerien e 2015 gant Star Citizen o vezañ ebt embannet gant ar stumm early access e 2017.[4] Kendalc'het eo bet da zegas nevezadurioù abaoe. Star Citizen a zo bet burutellet garv evit an amzer hir diorroadur, kement a-fed ne vije ket bet embanent sklaer peur e vije echuet gant ar stumm early access met ivez evit harperien ar C'hickstarter a felle dezho bezañ rentet o arc'hant dezho. Ar c'hoari a oa da vezañ embannet e 2014, met dibaouez eo bet pellaet an deiziad abaoe.
Goude taol brav ar c'hampagn Kickstarter, Cloud Imperium Games en doa kendalc'het da rastellañ arc'hant en ur werzhañ objedoù er c'hoari evel listri egorel da skouer. An doare ma vez arc'hantaouet Star Citizen a zo bet ivez mammenn burutelladennoù ha betek mammenn kudennoù lezennelt. Bez eo unan eus ar c'hoarioù video arc'hantaouet ar muiañ gant ar arc'hantaouiñ a-stroll. E miz Kerzu 2025, hollad an arc'hant dre arc'hantaouiñ a-stroll ha dre ar stumm early access en deus tizhet tost da 1 miliard a zollarioù, ha dre-se ez eo unan eus ar c'hoarioù video kerañ betek-henn hag unan eus an oberennoù dudi kerañ bet produet.[5][6]
Doare c'hoari
[kemmañ | kemmañ ar vammenn]Star Citizen a zo ur c'hemmesk etre drevezadur nijadennoù egorel, c'hoari tenn kentañ sell, ha c'hoari video enlinenn bras-niver a c'haller c'hoari hervez ar modulennoù choazet gant ar c'hoarier. Pevar anezho a zo: Hangar, Arena Commander, ha Star Marine, lec'h ma c'heller c'hoari met pep hini en un doare emren. An hini brasañ, ar pevare, eo modulenn an hollved dibad.
Modulenn Hangar
[kemmañ | kemmañ ar vammenn]Er modulenn Hangar, e c'hell ar c'hoarierien kemmañ pe gwelladenniñ an holl listri-egor bet prenet ganto, n'eus ket tu da nijal met an tu a zo da implij lodennoù al lestr. Ouzhpenn-se e vez tu kinklañ al lsitri.[7]
Notennoù ha daveennoù
[kemmañ | kemmañ ar vammenn]- ↑ Chris Roberts on Star Citizen Crowdfunding Success, and Why He Doesn't Want a Publisher (September 26, 2013).
- ↑ Star Citizen Creator Aiming for Release in 2027 or 2028 (August 27, 2025).
- ↑ Spin-off to Controversial Crowdfunded Star Citizen Launches in 2026 (August 27, 2025).
- ↑ "Star Citizen 3.0 update "akin to Early Access" launch" (in en), Eurogamer.net (2017-09-11).
- ↑ Star Citizen is on course to reach $1 billion in player funding in 2026, and we still might not get to play its singleplayer campaign next year (December 25, 2025).
- ↑ 13 Years Into Crowdfunding, Star Citizen Nears the Billion-Dollar Mark (December 30, 2025).
- ↑ Keyes, Rob (September 2, 2013). "Check Out Our 'Star Citizen' Ship In The Hangar Module!" (in en-US), Game Rant.