Special Air Service
| Deiziad krouiñ | Gouere 1941  |
|---|---|
| Skour lu | British Army |
| Diazezer | David Stirling |
| Ger-stur | Who Dares Wins |
| Stad | Rouantelezh-Unanet |
| Lec'h | Londrez |
| Darvoud-alc'hwez | alleged murder by SAS soldiers of a suspected jihadist in Syria 2022 |
| Lec'hienn ofisiel | http://www.army.mod.uk/ |
| Deskrivet en URL | https://cain.ulster.ac.uk/othelem/organ/sorgan.htm |
Ar Special Air Service (SAS) zo un unvez eus nerzhioù ispisial ar British Army. Krouet eo bet evel ur rejimant e 1941 gant David Stirling, hag e 1950 e voe adsavet evel ur c'horfad milourel[1]. Kefridioù an unvez a zo lies evel enepsponterezh, dieubiñ gouestlidi, obererezhioù eeun ha sklêrijennerezh arbennik. An darn vrasañ eus ar pezh a ouier diwar-benn an SAS a zo traoù kuzhet, hag an unvez ne vez ket kalz a gaoz diwar e fenn gant gouarnamant Breizh-Veur na gant Ministrerezh an Difenn dre ma rank chom kuzh hag ar c'hefrifioù a zo reoù a bled gant ar surentez vroadel[2][3][4].
Ar c'horfad a zo savet gant ar 22 rejimant ispisial, met ivez gant an 21 Special Air Service Regiment (Artists) (adarmead) hag an 23 Special Air Service Regiment (adarmead), hag a zo korfoù adarmead, an holl anezho a zo dindan renerezh an United Kingdom Special Forces (UKSF). Un unvez c'hoar a zo er Royal Navy hag anvet Special Boat Service, met arbennikaet eo war an enepsponterezh war vor dreist-holl. Pep unvez a zo dindan renerezh Rener an nerzhioù ispisial.
Savet e voe ar Servij ispisial dre Aer e 1941 e-kerzh an Eil Brezel-bed. Adsavet e oa bet evel lodenn eus al lu tiriadel e 1947, hag anvet an 21st Special Air Service Regiment (Artists Rifles). An 22nd Special Air Service Regiment, hag a zo ul lodenn eus al lu reoliek, a zo bet brudet dre ar bed a-bezh goude ma vije bet skignet er skinwel an oberiadur dieubiñ gouestlidi e 1980 e-kerzh Seziz Kannati Iran[5].
Notennoù ha daveennoù
[kemmañ | kemmañ ar vammenn]- ↑ Brief history of the regiment. Special Air Service Association.
- ↑ Prime Ministers Questions, Special Forces. Parliament of the United Kingdom.
- ↑ Special Forces. Parliament of the United Kingdom.
- ↑ "The UK can't stay 'mum' over Russian bombing of Special Forces base in Syria" (in en-GB), DefenceReport (2016-08-03).
- ↑ Thompson, p. 8