Spartacus

Spartacus

den

Reizh pe jener	paotr
Bro ar geodedouriezh	talvoud ebet
Anv e yezh-vamm an den	Spartacus, Σπάρταϰος
Anv-bihan	Spartaco
Anv-familh	talvoud ebet
Deiziad ganedigezh	103 BCE
Lec'h ganedigezh	Trakia
Deiziad ar marv	Ebrel 71 BCE
Lec'h ar marv	Lucania
Doare mervel	marvet en emgann
Tad	talvoud dianav
Mamm	talvoud dianav
Yezhoù komzet pe skrivet	latin
Micher	gladiatour, penn brezel
Statud sokial	sklav
Brezel	Trede brezel ar sklaved, Battle of Mount Vesuvius
Prantad	Late Roman Republic

 

 Eus Wikidata

Spartacus ganet e-tro -103 hag aet da Anaon e -71 AJK a oa ur gladiatour trakian hag a oa e penn an emsavadeg sklaved a-enep Republik Roma eus 73 betek 71 kent JK.

Darn eus ar munudoù a-zivout buhez Spartacus a zo deuet betek ennomp dre an istorourien Plutark hag Appian, hag a oa bet o skrivañ diwar e benn ouzhpenn ur c'hantved goude e varv. E Buhez Crassus gant Plutark ha Brezelioù diabarzh gant Appian e kaver ar muiañ a ditouroù diwar-benn an emsavadeg sklaved. Daoust m'eo bet ur benndudenn eus istor Roma, n'eus ket mammennoù pa oa-eñ bev, an holl skridoù a zo bet savet kalz diwezhatoc'h, gant tud ha ne oant ket bet testoù, hag hep savboent eus tu ar sklaved emsavet. Ne ouier nemet nebeut a draoù er-maez eus darvoudoù an emsavadeg, hag an nebeut a ouier war an den a zo alies savboentoù enebet. An holl vammennoù a ziskouez memestra e oa bet stummet da vezañ ur galdiatour hag e oa ur penn brezel speredek.

A-hervez e vije bet ganet Spartacus nepell diouzh ar stêr Struma, e Trakia (hiziv-an-deiz e Bulgaria), ha marteze er meuriad Maedi. A-raok ma vije lakaet da sklav ha rediet da vezañ gladiatour, e oa bet soudard gant ar Romaned. Kroget e oa an emsavadeg e 73 kent JK, pa oa bet Spartacus, gant 70 gladiatour all, o tec'hout diouzh ur skol gladiatourien nepell diouzh Capua. Daoust ma ne oant ket niverus, nerzh Spartacus a oa deuet a-benn da drec'hiñ meur a unvez roman ha da greskiñ betek tizhout 70 000 a sklaved dieubet ha tud all. Spartacus a oa bet ur penn brezel barrek daoust m'en doa soudarded ha ne oant ket bet gourdonet en un doare milourel, dre ma oant tud a bep seurt orin micherel.

An emsavadeg a oa bet un dañjer bras evit Roma, meur a dro-vrezel a oa bet kaset a-enep nerzhioù Spartacus. A-benn ar fin e oa bet kaset Marcus Licinius Crassus evit flastrañ an emsavadeg da vat. An nerzhioù emsavet a oa deuet a-benn da dalañ er penn kentañ hag a oa bet o klask tec'hout da Sikilia, met trec'het e voent e 71 kent JK. Spartacus a greder e voe lazhet e-kerzh an emgann diwezhañ, met biskoazh ne voe adkavet e gorf. Goude an emsavadeg, ur 6000 bennak a brizonidi vrezel a voe kroazstaget a-hed ar Via Appia.