Skingomz e Bro-C'hall

Eus Wikipedia
(Adkaset eus Skingomz e Bro C'hall)

Bez eus tri frantad en istor ar skingomz e Bro-C'hall. Hini ar re gentañ a ya eus deroù an XXvet kantved betek an Eil Brezel Bed. Goude-se ez eus prantad gwirioù-miret gant ar stad deus 1945 betek 1981. E miz Mae 1981, dieubet eo ar gwagennoù, mare ar skingomzioù frank

Istor[kemmañ | kemmañ ar vammenn]

Ar re gentañ[kemmañ | kemmañ ar vammenn]

Eugène Ducretet en deus diskouezet d'an holl un treuzkasadur pellskriver hep neudenn etre ar Tour Eiffel hag ar Panthéon d'ar 5 a viz Du 1898. Komzet e vo eus pellgomzerezh hep neudenn goude labourioù an amerikan Lee De Forest (1906). A-raok 1921, implijet e oa ar skingomz nemet en arme pe war ar vor. Adalek 1905 e vez implijet an TSF er merdeadurezh broadel. Staliet e vo skingaserioù bras er trevadennoù, implijet eo ar Tour Eiffel gant an arme douarel evit lakaat skingaserioù. Frammet mat eo implij ar skingomz e-pad ar Brezel Bed Kentañ, adalek ar bloavezhioù 1920 e vo skingomzoù ar stad hag reoù prevez. D'ar 24 a viz Kerzu 1921 eo skignet an abadenn kentañ e bro-C'hall davet ar bobl. Aotreet eo da SFR (Société Française Radioélectrique) da skignañ e Paris e 1922, reoù all a heulio, e 1939, bez eus nav radio e Paris: Radio Tour Eiffel (radio stad) 24 a viz Kerzu 1921 betek miz Even 1940. Radiola (prevez) 6 a viz Du 1922 betek an 28 a viz Meurzh 1924. Dont a ra da vezañ Radio Paris d'ar 29 a viz Meurzh 1924 (prevez ha dindan ar stad d'ar 17 a viz Kerzu 1933). Mirout a ra an anv Radio Paris deus miz Gouere1940 betek miz Eost 1944 met dindan kontrollerezh an Nazied. Radio PTT (radio stad) 20 a viz Genver 1923 betek miz Even 1940. Poste Parisien (prevez) deus an 30 a viz Meurzh 1924 betek miz Even 1940. Radio LL (prevez) deus miz Meurzh 1926 betek an 28 a viz Gwengolo 1935. Dont a ra da vezañ Radio Cité (prevez) deus an 29 a viz Gwengolo 1935 betek miz Even 1940. Radio Vitus (prevez) deus ar 1añ a viz Kerzu 1926 betek ar 14 a viz Genver 1934. Dont a ra da vezañ Poste de l’Ile de France (prevez) deus ar 15 a viz Genver 1934 betek miz Even 1940. Radio Luxembourg (prevez) deus ar 15 a viz Meurzh 1933 betek an 21 a viz Gwengolo 1939. Neuze deus 1945 betek 1966. Dont a ra da vezañ RTL (prevez) abaoe 1966. Radio 37 (prevez) deus ar 5 a viz Gwengolo 1937 betek an 13 a viz Even 1940. Poste colonial (radio stad) deus an 30 a viz Ebrel 1931 betek ar 1añ a viz Meurzh 1938. Dont a ra da vezañ Paris Mondial (radio stad e 20 yezh) deus an 2 a viz Meurzh 1938 betek ar 17a viz Even 1940.

Pennad : Skingomz e Pariz[kemmañ | kemmañ ar vammenn]

Neveziñ a reont a re-se: D'ar 6 a viz Geñver 1923, kelaouenn komzet kentañ war Radiola intruduet gant Maurice Vinot. D'ar 6 a viz Mae 1923, kelaouadenn gentañ ar c'hrogad boks Carpentier-Nilles tost war-eeun, c'hoazh war Radiola. D'ar 6 a viz Here 1923, kelaouadenn gentañ ur c'hrogad boks war-eeun ar wech-mañ, deus ar sal Wagram. Genver 1927. Prezegoù kentañ skingaset (Radio Paris) Here 1927. Liammet eo un lenner pladennoù(anvet pick-up) gant ur micro gant Radio Toulouse. Neuze eo posupl skingas pladennoù gant ur son a berzh mat. Betek-henn a eo goulennet gant lazoù-seniñ. Miz Gouere 1929. Treuzkasadur kentañ an Tour de France. Mae 1936. Ganedigezh ar "crochet radiophonique" war Radio Cité. Hañv 1936. Treuzkasadur war-eeun ar C'hoarioù Olimpek e Berlin.