Sebastianu Dalzeto
Sebastianu Dalzeto eo anv-pluenn Sebastianu Nicolai (Bastia, 1875 - Ville-di-Petrabugnu, 1963), ur skrivagner eus Korsika, e korseg hag e galleg.
Goude bezañ bet en arme c'hall hag o labourat e melestradurezh an trevadennoù gall e tistroas da Gorsika. E Bastia e labouras evel kazetenner. Kenlabourat a reas gant L'Annu Corsu, A Muvra, U Muntese... Bez' e voe unan eus ar re a savas ar gazetenn gomunour Corse Rouge. Sevel a reas barzhonegoù ha romantoù e galleg, awenet gant Korsika, ha gantañ e voe savet ar romant kentañ e korseg, Pesciu Anguilla, e 1930.
Oberennoù[kemmañ | kemmañ ar vammenn]
- e galleg
- Les Virulentes, barzhonegoù, 1917
- Poèmes d'Amour et de Révolte, 1919
- La Terre délivrée, romant, 1920
- Notre maquis, romant, 1922
- Soprana, Héros corse, romant, 1923
- La Canonica, roman cyrnéen de l'ère des martyrs, 1924
- Ponte Novo, romant, 1926
- Gallone ou l'Honneur corse, romant, 1928
- Mystiques et Profanes, 1950
- e korseg
- Pesciu Anguilla, romant, 1930
- A Sposata, 1933
- Filidatu e Filimonda, 1963