Schönberger-Laumann 1892
| Schönberger-Laumann 1892 | |
|---|---|
 Tresadenn diabarzh ur bistolenn Schönberger-Laumann 1892 | |
| Kinnig | |
| Bro |  Aostria-Hungaria |
| Doare | Pistolenn damaotomatek |
| Mont en-dro | Tennata dre argil simpl |
| Munisionoù | 7,8 × 19 mm R |
| Produer | Osterreichische Waffenfabrik |
| Mare produiñ | 1892-1896 |
| Niver produet | Nebeutoc'h evit 35 |
| Perzhioù teknikel | |
| Hirder | 355 mm |
| Hirder ar c'hanol | Etre 127 ha 152 mm (hervez ar mammennoù) |
| Endalc'h | Karger diabarzh 5 kartouchenn, pourveziet dre an nec'h gant ul laonenn-gargañ doare Mannlicher |
| Lezenn | |
| Rummad e Bro-C'hall | B |
Ar Schönberger-Laumann 1892 zo unan eus ar pistolennoù damaotomatek kentañ bet ijinet, goude ar Salvator-Dormus. Un nebeud skouerennoù anezhi a voe produet hepken gant an embregerezh Osterreichische Waffenfabrik e Steyr[1] (Aostria-Hungaria neuze), etre 1892 ha 1896.
Breouet e voe e miz Du 1891 gant an armeurer Joseph Laumann[2], diwar ur sistem tennata dre argil daleet a-drugarez d'ur wikefre luziet a-walc'h. Pemp kartouchenn 7,8 × 19 mm R, dezhe bourledoù, a c'halled ensoc'hañ dre an nec'h en he c'harger diabarzh, a-drugarez d'ul laonenn-gargañ doare Mannlicher[1]. Ar vreudeur Schönberger a bostas arc'hant evit skoazelliñ raktres Laumann[3]. Amprouet e voe an arm gant arme Aostria-Hungaria, met korbellet e voe e 1896 da vat, ha paouezet e voe d'e broduiñ neuze. Nebeutoc'h evit 35 skouerenn eus ar bistolenn Schönberger-Laumann a zo bet fardet en holl. Un arm ral-tre eo neuze. Ur skouerenn zo bet gwerzhet e 31 625$ diouzh ar c'hresk er Stadoù-Unanet e 2014[4].
Liamm diavaez
[kemmañ | kemmañ ar vammenn]- (en) Teir skouerenn eus stummoù disheñvel eus an arm kinniget e video war ar chadenn Forgotten Weapons (22/05/2017)
Daveennoù
[kemmañ | kemmañ ar vammenn]- 1 2 (en) SMITH Joseph E., The book of pistols and revolvers, Castle Books, 1977, p. 26
- ↑ (en) Schoenberger-Laumann – second semi-automatic, Ohio Gun Collectors Association (lennet d'ar 24/04/2026)
- ↑ (en) McCOLLUM Ian, Laumann 1891 and Schonberger-Laumann 1894 Semiauto Pistols, Forgotten Weapons, 22/05/2017 (lennet d'ar 24/04/2026)
- ↑ (en) EXTREMELY RARE AND HISTORICALLY IMPORTANT STEYR MADE SCHÖNBERGER-LAUMANN M1892 SELF LOADING PISTOL, Morphy Auctions (lennet d'ar 24/04/2026)
