Sauer & Sohn M1913
| Sauer & Sohn M1913 | |
|---|---|
 Ur bistolenn Sauer & Sohn M1913 bet implijet gant ar sniperez soviedat Lioudmila Pavlitchenko en Eil Brezel-bed. | |
| Kinnig | |
| Bro orin | .svg){kind=small} Impalaeriezh alaman |
| Doare | Pistolenn damaotomatek |
| Mont en-dro | Tennata dre argil simpl |
| Munision | .32 ACP |
| Produer | Sauer & Sohn |
| Mare produiñ | 1913 - 1930 pe 1931 |
| Skouerennoù produet | War-dro 169 000 |
| Perzhioù teknikel | |
| Mas (hep kartouchenn) | 0,620 kg |
| Hirder | 149 mm |
| Hirder ar c'hanol | 76,2 mm |
| Endalc'h | Karger fiñv 7 kartouchenn |
| Lezenn | |
| Rummad e Bro-C'hall | B |
Ar Sauer & Sohn M1913, anvet ivez Selbstlade-Pistole Modell 1913 ("pistolenn adkarget en ur mod aotomatek"), zo ur bistolenn damaotomatek bihan bet ijinet gant Heinz Zehner ha produet gant an embregerezh alaman Sauer & Sohn eus 1913 betek 1930[1] pe 1931[2].
Ur sistem tennata dre argil zo dezhi. Pourveziet eo gant ur c'harger 7 kartouchenn 7,65 mm Browning. Savet e oa bet evit ar marc'had sivil, met un 10 000 skouerenn bennak a voe graet evit an Deutsches Heer e-pad ar Brezel-bed Kentañ. Implijet e voe gant ofiserien en arme alaman betek dibenn an Eil Brezel-bed. Tri stumm disheñvel eus an arm, dezhe kemmoù dister, a zo ; tro 169 000 anezhe a voe produet en holl. Ar pistolennoù Sauer & Sohn Modell 1926, Modell 1929 ha Modell 1930 zo deveret anezhi[3].
Levrlennadur
[kemmañ | kemmañ ar vammenn]- (en) CATE Jim, VAN GIJN Nico, Automatic Pistols of J.P. Sauer & Sohn: A Historical Study, Walsworth Publishing Company, 1996, 406 p.
Daveennoù
[kemmañ | kemmañ ar vammenn]- ↑ (en) WAHL Paul, Gun trader's guide, Thirteenth Edition, Stoeger, p. 107
- ↑ (en) JAMES Garry, This Old Gun: J.P. Sauer & Sohn Model 1913, American Rifleman, 30/10/2021 (lennet d'ar 06/03/2026)
- ↑ (en) BUFFALOE Ed, KLEIN Stefan, Sauer Model 1913, 1919, 1926, 1930, and Behördenmodell, Unblinkingeye (lennet d'ar 05/03/2026)
