São Tomé de Meliapor

Eus Wikipedia
Sede pelec'h emañ Mylapore en Chennai hiziv
Bez Sant Tomaz, hervez ur skeudenn eus an XVIIIvet kantved.

São Tomé de Meliapore, pe Meliapor, zo anv un drevadenn gozh da Bortugal en Indez, entre 1523 ha 1662, hag ivez entre 1687 ha 1749. En aod reter India e oa, war lez ar stêr Adyar.

An anv[kemmañ | kemmañ ar vammenn]

Anvet e voe diwar anv Sant Tomaz, an abostol, a deuas di da weladenniñ Yuzevien hag a vevas er vro, etre ar bloavezhioù 52 ha 70, hervez ar vojenn. Merzheriet e voe ha beziet eno. En e anv emañ an iliz vras. Dindan a aoter vras emañ bez ar sant.

Istor berr an drevadenn[kemmañ | kemmañ ar vammenn]

Kemeret e voe kêr gant Portugaliz e 1523. Izelvroiz a ziazezas nepell, en hanternoz, e-kichen Pulicat, en 1612. Chom a reas Portugaliz eno betek 1749. Neuze e teuas ar Saozon a vestronias ar vro betek kreiz an XXvet kantved, war-bouez ar bloavezhioù 1662-1687, ma renas sultan Golconde, daoust ma tremenas ar C'hallaoued ivez ha ma chomjont ur pennadig (1672-1674).

Hiziv[kemmañ | kemmañ ar vammenn]

Hiziv eo anvet Mylapore e saozneg (Tamil: மயிலாப்பூர் Mayilāppūr) hag ur rann eo, pe karter, eus kêr Chennai, kêr-benn Tamil Nadu. Gwechall e oa anvet Vedapuri.

E-lec'h iliz portugalat ar XVIvet kantved ez eus un iliz all hiziv, savet gant ar Saozon en 1893. Abaoe 1952 eo iliz-veur arc'heskopti Madras-Mylapore.