Rowena

Eus Wikipedia
Mont da : merdeiñ, klask
Disambiguation.svg Ur pennad Rowena (anv) zo ivez.
Vortigern ha Rowena, gant William Hamilton

Rowena zo anv ur rouanez sakson en Historia Regum Britanniae, gant Jafrez Menoe. Rouanez mojennel Kent e oa er Vvet kantved, merc'h d'ar roue sakson Hengest, ha dimezet d'ar roue brezhon Vortigern[1].

Istor an anv[kemmañ | kemmañ ar vammenn]

Ne gaver ket an anv Rowena en dihelloù hensaoznek, evel en Historia ecclesiastica gentis Anglorum, gant Beda, pe er C'hronik Angl-ha-Saoz.

Kentañ meneg anezhañ a gaver en Historia regum Britanniae Jafrez Menoe en XIIvet kantved (skrivet e meur a zoare : Ronwen, Renwein, Romwenna). Krediñ a reer e c'hall bezañ doare latin un anv hensaoznek pe germanek, aet da goll.
Marteze avat e teu eus an anv kembraek Rhonwen, diwar ar ger "rhawn" (reun), met n'eus testeni ebet a gement-se.

En Historia Britonum[kemmañ | kemmañ ar vammenn]

Daoust ma n'eo ket meneget hec'h anv ez eus kaoz en Historia Brittonum en IXvet kantved (lakaet war gont Nennius). Merc'h ar Sakson Hengist eo. Erruout a ra Hengist hag e vreur Horsa en Ynys Ruym (Enez Thanet). Goulenn a ra Hengist digant ar roue brezhon Vortigern kaout muioc'h a zouar. Kas a ra e verc'h Rowena d'ur banvez da vezviñ Vortigern, ha ken hoalet ganti eo ar Brezhon ma ro d'he zad pezh a gar gant ma c'hallo dimeziñ d'ar goantenn. Petra e teu gwreg kentañ Vortigern, anvet Sevira, merc'h da Magnus Maximus, n'ouzer ket. Hervez ar skrid e oa ur gwidre a-berzh an Diaoul a oa o temptiñ ar roue brezhon gant ur vaouez pagan, ha sede penaos e roas Vortigern, dallet gant e c'hoantegezh, rouantelezh Kent da Hengist.

Kement-se ne zegasas nemet droug d'ar Vrezhoned pa c'hallas ar Saksoned kregiñ d'en em ziazezañ en Enez Vreizh.

Hervez Historia Brittonum e voe devet en o bev Vortigern "hag e wragez" (n'eo ket meneget anv Rowena/Rhonwen ervat) gant tan Doue e kreñvlec'h Craig Gwrtheyrn ("Roc'h Vortigern") e hanternoz Kembre.

En Historia regum Britanniae[kemmañ | kemmañ ar vammenn]

Notennoù ha daveoù[kemmañ | kemmañ ar vammenn]

  1. [1] (en)
    [2] (en)