Rouantelezh Naplez (1805-1815)

Italia e 1810, gant Rouantelezh Italia, ma rene Napoleon, ha rouantelezh Naplez ma rene Joachim Murat.

Rouantelezh Naplez (en ofisiel Regno delle Due Sicilie, Rouantelezh an Div Sikilia) a voe krouet en miz Kerzu 1805, goude emgann Austerlitz hag emgann Campo Tenese, gant Napoleone Buonaparte evit e vreur Giuseppe Buonaparte. Padout a reas ar rouantelezh napoleonian betek 1815 ha faezhadenn Waterloo, hag anavezet eo ar marevezh-se evel an Decennio francese.

Giuseppe Buonaparte, Roue Naplez, e 1808

Joachim Murat, Roue Naplez, war-dro 1812

1806

• Pennad Aloubadeg Rouantelezh Naplez (1806).

Aloubet e voe ar vro gant an arme c'hall, kaset gant ar marichal André Masséna, da gastizañ ar roue Ferdinando Iañ an Div Sikilia (1751-1825) ha ne oa ket bet feal d'e c'her da chom neptu er brezel a oa renet gant an Trede Kenunaniezh a-enep an impalaeriezh c'hall.

Tec'hel a rankas ar roue Ferdinando Iañ an Div Sikilia (1751-1825) da Sikilia ma chomas roue dindan warez ar morlu saoz.

Ar roue Murat

Daou vloaz goude, e 1808, e kasas Napoleon e vreur Giuseppe da ren da Spagn. Neuze e voe fiziet ar rouantelezh en e vreur-kaer Joachim Murat, dimezet da Carolina Buonaparte. Klask a reas Murat aloubiñ Sikilia meur a wech, met tro wenn a reas bep tro. Difennet e oa an enez gant ar morlu saoz.

Goude faezhadenn Napoleon e 1814 e sinas Murat un emglev gant Aostria evit mirout e rouantelezh , en desped da glemmoù Ferdinando ha d'e skoazeller saoz.

Gwelet ivez

• Emgann Panaro