Rita Morgan Williams

Eus Wikipedia
Sauter à la navigation Sauter à la recherche

Rita Williams (Rita Morgan hec'h anv plac'h yaouank), zo ur Gembreadez hag a zo bet kelennerez Skol-veur war ar brezhoneg hag ar c'herneveureg betek mont war he leve.

Buhez[kemmañ | kemmañ ar vammenn]

Dont a reas da Vreizh a-drugarez d'ur yalc'had studi pa oa yaouank. Tommañ a reas ouzh ar brezhoneg goude bezañ heuliet ur staj gant Kamp Etrekeltiek ar Vrezhonegerien.

E 1985 e kinnigas he zezenn doktorelezh war grafoù eus yezhadur ar c'hrennvrezhoneg.

Kelenn a reas e Skol-veur Dewi Sant, e Llanbedr Pont Steffan, etre 1966 ha 1971 ha goude e Skol-veur Aberystwyth.

Skrivet he deus studiadennoù ha levrioù, en o zouez geriadurioù (brezhoneg-kembraeg ha kembraeg-brezhoneg). Troidigezhioù diwar ar brezhoneg he deus graet ivez.

Dont a ra da Vreizh div wech ar bloaz pe ouzhpenn abaoe 37 vloaz.

Resevet he deus Kolier an Erminig e 1996 e Pont-'n-Abad.

Levrioù[kemmañ | kemmañ ar vammenn]

Geriadurioù[kemmañ | kemmañ ar vammenn]

  • Geiriadur Bach Llydaweg-Cymraeg, Canolfan Astuaethau Cymreig a Cheltaidd, Aberystwyth, 1990.
  • Geiriadur Cymraeg-Llydaweg – Geriadur Kembraeg-brezhoneg, Canolfan Astuaethau Cymreig a Cheltaidd, Aberystwyth, h.b.

Troidigezhioù[kemmañ | kemmañ ar vammenn]

  • Brezhoneg Buan hag Aes, doare kembraek, Skol-Veur Kembre, Kerdiz.
  • Morforwyn (Mari Vorgan gant Roparz Hemon)
  • Kaurentina, Brenhines ei Galon (Rouanez e Galon), Menyw Dda (Ur Vaouez Vat), gant Roparz Hemon, Storïau Tramor 2, ren. Bobi Jones, Gwasg Gomer, 1975