Rigolette
Ar rigolette pe Rigolette Naoned a zo ur madig graet e Naoned. Ur glorenn sukr poazhet eo, marmeladenn frouezh e-barzh. Boukoc'h eo eget lima Naoned.
Istor
[kemmañ | kemmañ ar vammenn]_en_mars_2023.JPG)
E 1902 e soñjas an ispiser Charles Bohu gwerzhañ madigoù boukoc'h eget limaioù en e stal e niverenn 26 straed ar Marne. Ar madig nevez-se, graet gant ur glorenn sukr gwarniset gant koñfitur frouezh, a voe anvet « rigolette » gantañ, diwar anv e gazez bourdus, tennet eñ eus Rigoletto, anv faourell c'hoarigan Giuseppe Verdi[1].
Ober a reas ar sukraj eliek-se kement ha berzh ken e voe treuzfurmet ar stal en ur goñfizerezh e 1930, gant ur rakstal e mozaik graet gant ar Roazhonad Isidore Odorico, ar pezh a zo e-barzh glad Naoned bremañ[2].
Miret o deus ar rigolettes o stumm orin : ur glorenn fin graet gant sukr, gwarniset gant bouedenn frouezh kleret, ar pezh a zegas un douster bennak[1], brusk ha teuzus war un dro.
Bremañ
[kemmañ | kemmañ ar vammenn]_en_mars_2023.JPG)
Pemp blaz gant bouedenn wir frouezh a zo : ananaz, kastrilhez, suraval, flamboez, mandarin. Met blazioù teuzus nevez a zo : karamel gant amann sall, chokolad pralinet, ha re all eus ar mare.
Ar blazioù
[kemmañ | kemmañ ar vammenn]- blazioù klasel : suraval, orañjez, kastrilhez
- chokolad pralinet
- karamel gant amann sall
- mouar Logan (20 % bouedenn mouar Logan)
- blazioù eus ar mare :
- goañv : per, figez, avaloù, rezin ha kistin
- hañv : pampel, sivi Plougastell, abrikez, kastrilhez ruz, pechez
| Blazioù | Mentoù | Pouez |
|---|---|---|
| Klasel | Sac'higoù | 250 g, 350 g, 1 kg |
| Bouestoù | 30 g, 230 g, 400 g, 600 g | |
| Chokolad pralinet | Sac'higoù | 250 g, 350 g, 1 kg |
| Bouestoù | 30 g, 230 g, 400 g | |
| Karamel gant amann sall | Sac'higoù | 250 g, 350 g, 500 g, 1 kg |
| Bouestoù | 350 g | |
| Blazioù eus ar mare (goañv) | Sac'higoù | 250 g, 350 g, 500 g, 1 kg |
| Bouestoù | 30 g, 400 g | |
| Blazioù eus ar mare (hañv) | Sac'higoù | 250 g, 350 g |
| Mouar Logan | Sac'higoù | 250 g, 350 g, 500 g |
Daveoù
[kemmañ | kemmañ ar vammenn]- 1 2 LES RIGOLETTES NANTAISES e www.petitfute.com
- ↑ Catherine Olart, 2009, p.13.
Gwelet ivez
[kemmañ | kemmañ ar vammenn]Levrlennadur
[kemmañ | kemmañ ar vammenn]- Nantes secret et insolite - les trésors cachés de la cité des ducs gant Catherine Olart, luc'hskeudennoù gant Laurent Allenou, Pariz, Les Beaux Jours/Compagnie parisienne du livre, 2009, miz Ebrel, 176 p., p.8, (ISBN 978-2-35179-040-3).
Pennad kar
[kemmañ | kemmañ ar vammenn]
 |
Porched Breizh – Adkavit pennadoù ha rummadoù Wikipedia a denn da Vreizh. |