Rhisiart Hincks

Eus Wikipedia
Sauter à la navigation Sauter à la recherche

Rhisiart Hincks, bet ganet d'an 9 a viz Ebrel 1954 e Leicester e-kreiz Bro-Saoz, a zo kelenner e Skol-Veur Aberystwyth e Kembre hag ur skrivagner brezhonek ha kembraek.

Buhez[1][kemmañ | kemmañ ar vammenn]

Studioù[kemmañ | kemmañ ar vammenn]

Adal e 10 vloaz e tremen bep bloaz e vakañsoù hañv e Kembre e-lec'h ma ra anaoudegezh gant ar c'hembraeg. Lakaat a ra neuze en e soñj deskiñ ar yezh-se gant levrioù ha gant kentelioù skignet dre ar skingomz. Kenderc'hel a ra gant studi ar c'hembraeg e Skol-Veur Aberystwyth hag e 1975 e tap an aotregezh war al lennegezh kembraek. Eno e tesk brezhoneg ivez e kentelioù Rita Morgan Williams ha dont a ra da Vreizh da c'houde da heuliañ stajoù brezhoneg, e Plouared, e Treger peurgetket. E 1979 e tisoc'h e vestroniezh diwar-benn ar barzh, kazetenner hag embanner E. Prosser Rhys hag e 1982 e tap e zoktorelezh gant un dezenn diwar-benn istor ar studioù keltiek hag ar brezhoneg betek dibenn an XIXvet kantved.

Kelennadurezh ar brezhoneg hag ar c'hembraeg[kemmañ | kemmañ ar vammenn]

E 1978 e teu da vezañ kelenner e kevrenn gembraek Skol-Veur Kembre en Aberystwyth e-lec'h ma kelenn istor ar c'hembraeg hag ar brezhoneg a-vremañ dre ar c'hembraeg. Ober a ra ivez war-dro ar c'hentelioù kembraeg dre ar brezhoneg evit Skol Ober. Kenskriver ar geriadur liesyezhek en linenn Logos eo evit ar c'hembraeg, ha kuzulier evit an aozadur Cymdeithas y Cyfieithwyr (kevredigezh an droerien). Skrivañ a ra er gelaouenn Al Lanv ha ren a ra ar gelaouenn divyezhek brezhoneg ha kembraeg Newyddion Llydaw/Keleier Breizh.

Buhez prevez[kemmañ | kemmañ ar vammenn]

Dimezet eo bet div wezh ha pevar bugel en deus : Banon, Mabon, Cynon ha Rhiannon.

Luc'hskeudennoù[kemmañ | kemmañ ar vammenn]

Lakaat a ra luc'hskeudennoù war al lec'hiennoù Ipernity: [1] ha Flickr.

Enorioù[kemmañ | kemmañ ar vammenn]

E 2007 e voe roet Kolier an Erminig dezhañ en abeg d'e labour evit ar brezhoneg.

Skridoù[kemmañ | kemmañ ar vammenn]

  • E. Prosser Rhys 1901-45, Llandysul, 1980
  • Geriadur kembraeg-brezhoneg/Geiriadur Cymraeg-Llydaweg, Mouladurioù Hor Yezh, Lesneven, 1991; eil emb. 1997
  • Alc'hwez d'ar c'hembraeg/Allwedd i'r Gymraeg, Plufur, 1992
  • Geiriau Llydaweg a Fabwysiadwyd gan y Geiriadurwyr Thomas Jones, Iolo Morganwg, William Owen Pughe ac eraill, Aberystwyth, 1993
  • I Gadw Mamiaith mor Hen, Llandysul, 1995
  • Per Denez, I arall Fyd, troet gant Rhisiart Hinks diwar En tu all d'an douar hag an neñv, Llanrwst, 1997
  • Yr Iaith Lenyddol fel Bwch Dihangol yng Nghymru ac yn Llydaw/The Literary Language as a Scapegoat in Wales and in Brittany, Aberystwyth, 2000
  • Kentelioù Brezhoneg Diazez/Cwrs Llydaweg Sylfaenol, Aberystwyth, 2001
  • Geriadurig brezhoneg-kembraeg, Yoran Embanner
  • Meur a bennad embannet e-barzh Al Lanv

Daveoù[kemmañ | kemmañ ar vammenn]

  1. Kemennadenn Skol Uhel ar Vro 11-10-2007 ABP