Renault R35
| Renault R35 | |
|---|---|
 Un tank Renault R35 | |
| Kinnig | |
| Bro |  Bro-C'hall |
| Doare | Tank skañv |
| Akipaj | 2 zen |
| Armadur | Ur c'hanol SA18 37 mm Ur vindrailherez 7,5 mm |
| Mare servij | 1935 - 1940 (Arme Frañs) |
| Produer | Renault |
| Niver produet | Etre 1600 ha 1900 |
| Adstummoù | R345/40 PzKpfw R35 731 (f) (en arme alaman) Stummoù kemmet gant an Alamaned e-pad an Eil Brezel-bed (eneptank, trakteur kanolierezh, dezougen munisionoù) |
| Perzhioù teknikel | |
| Mas | 10 tonenn |
| Hirder | 4,2 m |
| Ledander | 1,85 m |
| Uhelder | 2,37 m |
| Hobregon | 40 mm |
| Galloud | 85 MN |
| Tizh war an hent | 20 km/h |
| Autonomie | 140 km |
| Treuziñ ur skoilh a-blom | 0,5 m |
| Treuziñ un toull | 1,6 m (gant barrennoù-souten) |
| Diribin | 60 % |
An R35 zo un tank troadegiezh skañv produet evit arme Frañs gant an embregerezh gall Renault adalek 1935. Servijout a reas war an talbenn e 1939-1940, hag en arme alaman betek 1945.
Istor
[kemmañ | kemmañ ar vammenn]E 1934, an tirlu gall a c'halvas embregerezhioù da ginnig tankoù skañv nevez evit kemer plas an FT-17, a veze implijet abaoe ar Brezel-bed Kentañ. Goulenn a reas kaout ur c'harbed 8 tonenn, dezhañ un akipaj daou zen, div vindrailherez 7,5 mm pe ur c'hanol 37 mm, un hobregon 40 mm d'ar muiañ, hag un tizh 20 km/h d'ar muiañ war an hent[1].
Pevar embregerezh a ginnigas tresoù : hini Renault, anvet FZM, a c'hounezas, ha 300 skouerenn eus an tank nevez a voe urzhiet gant an arme e miz Mae 1935. Div vindrailherez a oa en e douribell, met kemmet e voe homañ evit degemer ur vindrailherez hag ur c'hanol 37 mm. Etre 1600 ha 1900 skouerenn anezhañ a voe produet[1]. Un adstumm, anvet R40, kemmet e zistroñserezh, a voe graet 120 skouerenn anezhañ e 1940.
Abalamour e oa bet soñjet evit souten un argadenn droadegiezh[2] e oa gorrek a-walc'h, hag ar soudard e penn an tank a ranke ober war-dro an douribell hag an armoù ivez. Radioioù a voe savet war ar skouerennoù diwezhañ produet hepken[1].
Goude emgann Bro-C'hall e voe seziset an tankoù a chome gant an Alamaned. Adanvet e voent Panzerkampfwagen R35 731 (f). Ar Wehrmacht a gemmas touribelloù skouerennoù 'zo evit trezfurmiñ anezhe e karbedoù eneptank (gant ur c'hanol tchek 4,7 cm), pe e karbedoù servij (trakteur kanolierezh, dezouger munisionoù)[1].
Daveennoù
[kemmañ | kemmañ ar vammenn]- 1 2 3 4 (fr) FOSS Christopher F., Chars de la 2e Guerre mondiale, PML Éditions, 1994, ISBN 2-87628-896-6, pp. 20-23
- ↑ (fr) Renault R35, Musée des Blindés Saumur (lennet d'ar 17/03/2026)