Rachel Zegler
.jpg)
| Reizh pe jener | plac'h  |
|---|---|
| Bro ar geodedouriezh | Stadoù-Unanet |
| Anv e yezh-vamm an den | Rachel Zegler |
| Anv ganedigezh | Raquel Anastasia Zegler |
| Anv-bihan | Rachel |
| Anv-familh | Zegler |
| Deiziad ganedigezh | 3 Mae 2001 |
| Lec'h ganedigezh | Hackensack |
| Yezh vamm | saozneg SUA, spagnoleg |
| Yezhoù komzet pe skrivet | saozneg, spagnoleg, saozneg SUA |
| Yezh implijet dre skrid | saozneg, saozneg SUA |
| Micher | aktour, kaner, stourmer politikel, YouTuber, Internet celebrity |
| Tachenn labour | acting, sonerezh |
| Bet war ar studi e | Immaculate Conception High School |
| Deroù ar prantad labour | 2015 |
| Anvet diwar | Rachel Brown |
| Prizioù resevet | National Board of Review Award for Best Actress, Golden Globe Award for Best Actress in a Motion Picture – Musical or Comedy |
| Personal pronoun | L484 |
.jpg)
Rachel Zegler zo un aktourez ha kanerez stadunanat ganet d'an 3 a viz Mae 2001 e Hackensack (New Jersey)[1].
Anavezet e teuas da vezañ en ur c'hoari María er film West Side Story, sevenet gant Steven Spielberg hag embannet e 2021. Golden Globe an aktourez wellañ en ur film sonerezh a c'hounezas da-c'houde, padal e oa he film kentañ.
C'hoariet he deus ivez e The Hunger Games: The Ballad of Songbirds & Snakes (2023) e-lec'h ma c'hoari unan eus an tudennoù pennañ, Lucy Gray Bird, hag e Snow White (2025), er roll kentañ ivez.
Hentad micherel
[kemmañ | kemmañ ar vammenn]Kanerez war Youtube (bloavezhioù 2010)
[kemmañ | kemmañ ar vammenn]Rachel Zegler a grogas da gentañ e bed an arzoù evel kanerez e 2011. Adkemer a rae kanaouennoù evel Chandelier gant Sia, A Star Is Born pe kanaouennoù filmoù Disney.
Deroù er sinema stadunanat (2019-2020)
[kemmañ | kemmañ ar vammenn]E 2019, ar filmaozer Steven Spielberg a grogas gant un azasadur nevez eus West Side Story gant skoazell ar skrivagner pozioù Stephen Sondheim ha Rita Moreno. Evit e film e felle d'ar filmaozour en em ziforc'hiñ diouzh ar stumm kent en ur ginnig un oberenn tostoc'h d'he stumm war al leurenn. A-drugarez da unan eus he mignoned e klevas Rachel komz eus un casting evit roll María. Goude meur a esae gant an aktour Ansel Elgort (a vo e geveler war ar skramm) e voe dalc'het e miz Eost 2019.
Remake eus Gwenn-Erc'h
[kemmañ | kemmañ ar vammenn]Dibabet e voe gant ar studioioù Disney evit ar film Snow White da c'hoari an dudenn bennañ (Gwenn-Erc'h). Evel ar gomedianez Halle Bailey dibabet evit ar gomedienn sonerezh The Little Mermaid produet gant ar memes studio, an aktourez ha kanerez a voe e-kreiz ur breud dizimez. Evite, c'hoari Gwenn-Erc'h a oa posupl nemet gant un den europat gant ur c'hroc'hen gwenn.
Rachel Zegler a respontas d'ar gaoz en ur zisklêriañ : "Gwenn-Erc'h zo un simbol bras-divent, pe e vefe e tresadenn-vev Disney, kontadennoù Grimm pe en holl istorioù a ya ganti. Met ne welit morse tud damheñvel, eveldon, o c'hoari rolloù seurt-se. Tud zo a rankomp deskiñ... Lakaat anezho da gompren... Ret eo dimp karout anezho evit kas anezho war an tu mat. Rak a-benn ar fin em eus ul labour d'ober hag a zo gortozet ganin ober. Emaon o vont da vezañ ur briñsez latino-amerikan !" [2].
E-pad an tabut-se e oa bet skoazellet gant an aktour Andrew Garfield.
Harp da Balestina
[kemmañ | kemmañ ar vammenn]E-pad ar brezel e Gaza abaoe 2023, Rachel Zegler a zo savet a-du gant Palestina dre ur gemennadenn war X (d'an 13 a viz Eost 2024). Daoust da wask produerien ti Disney warni e oa bet dalc’het ganti.
Notennoù ha daveennoù
[kemmañ | kemmañ ar vammenn]