Poull-neuial olimpek
Ur poull-neuial olimpek zo ur seurt poull-neuial gant ur ment resis hag a glot gant kevezadegoù neuial ar C'hoarioù Olimpek. Aozet e vez ar c'hevezadegoù-se e-barzh poulloù-neuial brasoc'h eget boaz, 50 metrad a hirder da c’henver poulloù-neuial klasel gant 25 metrad a hirder hepken.
Dezverkoù
[kemmañ | kemmañ ar vammenn]
Ur poull-neuial olimpek zo ur poull-neuial hag a glot gant kevezadegoù evit meur a sport, kevezadegoù neuial ar C'hoarioù Olimpek, Kampionadoù ar bed neuial, hag ivez krogadoù water-polo. Hervez kevread etrebroadel an neuierezh, anvet World Aquatics, e rank dezverkoù ur poull-neuial olimpek klotañ gant kriterioù resis :
- hirder : 50 metr
- ledander : 25 metr
- niver a drepasoù : 8 + 2
- ledander an trepasoù : 2,5 metr
- donder : 2 vetr d'an nebeutañ, 3 metr erbedet
- kementad a zour : 2 500 m3 da nebeutañ, 3 750 m3 evit 3 metr a zonder
N'eus nemet poulloù-neuial gant dour dous hag a zo aotreet, abalamour d'an dra-se n'eo ket bet posupl da boull-neuial Dinarzh degemer Masters an neuial e 2011[1].
Poulloù-neuial olimpek e Breizh
[kemmañ | kemmañ ar vammenn]Meur a boull-neuial olimpek a vez e Breizh, peurliesañ e vezont kavet e kerioù brasañ ar vro : Naoned, Brest, Sant-Brieg, Gourin, Kastell-Briant.
Notennoù ha daveennoù
[kemmañ | kemmañ ar vammenn]- ↑ (fr) À cause de l’eau de mer, la piscine de Dinard privée de records, Ouest-France, d'ar 16 a viz Mezheven 2011
