Plotina
Plotina, pe Pompeia Plotina, a oa pried an impalaer roman Trajan, hag impalaerez eus 98 da 117.
He buhez[kemmañ | kemmañ ar vammenn]
Merc'h e oa da Lucius Pompeius ha Plotia, o devoa darempredoù e-touez an dud uhel. Ganet e oa marteze en Escacena del Campo, en Hispania Baetica, en amzer an impalaer Neron.Met tud zo o deus bet meneget kêr Nîmes, en Narbonensis.
War-dro 75/76, a-raok 86 a dra sur, e timezas da Marcus Ulpius Traianus a zeuas da vout Caesar en 97, hag impalaer roman er bloaz 98. Bugel ebet n'o doe.
Brudet e oa he ferzhioù gwreg-ti roman. Hervez oberourien hec'h amzer e oa desket, speredek, ha dilorc'h[1],[2], vertuzius ha deol[3].
Troet e oa gant ar brederouriezh.
Harp a roas da Hadrian, ha pa varvas Trajan en 117 e seblant bezañ kiriek ma voe dibabet Hadrian da impalaer. En 100 e voe kiriek ivez da eured Hadrian gant Vibia Sabina, nizez da Trajan. Abaoe e zek vloaz edo Hadrian dindan evezh Trajan ha Publius Acilius Attianus.
Mervel a reas Trajan e Selinus en Eost 117, p'edo war e hent da Roma, goude ur c'hleñved grevus.
-
Sestertius gant poltred Plotina. -
-
-
Romanez, marteze Plotina.
Pennadoù kar[kemmañ | kemmañ ar vammenn]
Notennoù[kemmañ | kemmañ ar vammenn]
- ↑ Plinius ar Yaouankañ, Panægyricus Traiano Augusto, 83.
- ↑ Dion Cassius, Historia romana, levrenn LXVIII, 5.
- ↑ Julian Bennett, Trajan. Optimus Princeps, Routledge, 1997, p. 59.