Penn Stad
.png)
| Iskevrennad eus | den Stad, lusker  |
|---|---|
| Rann eus | Stad |
| Stumm gourel an dikedenn | chef d'État, jefe de Estado, valstybės vadovas, xefe de estado |
Ur penn Stad a vez graet eus un hinienn e-penn ur Stad emveliek.[1] An titl roet d'ur penn Stad a zo disheñvel hervez ar broioù hag an doare gouarnamant o ren war ar vro, hag an doare da zisrannañ ar galloudoù ; galloudoù ur penn Stad a zo ledan o doareoù hervez ar broioù, eus bezañ penn ar gouarnamant betek bezañ tamm-pe-damm ur penn evit al lidoù ofisiel nemetken.
En ur renad parlamantel, evel en India pe ar Rouantelezh-Unanet, ar penn Stad a zo dreist-holl galloudoù lid gantañ, gant ur penn gouarnamant disheñvel[2]. En desped da-se, e lod eus ar renadoù parlamantel, evel e Suafrika, ez eus ur prezidant gant ar galloud ec'hounid (d'ober) hag a zo penn ar Stad kement ha penn ar gouarnamant. E lod eus ar renadoù parlamantel all, penn ar Stad n'eo ket penn ar gouarnamant, met galloudus eo memestra, evel e Maroko. Doareoù all a zo d'ober, evel en ur renad dambrezidantel, evel e Bro-C'hall, e-lec'h ma'z eus ur penn Stad hag ur penn ar gouarnamant, an daou anezho o vezañ de facto pennoù ar vro (sañset eo bezañ rannet leadership ar vro etrezo).