Peenemünde
| Peenemünde | |
|---|---|
 | |
 Ar porzh-mor
| |
| Melestradurezh | |
| Riez |  Alamagn |
| Länder |  Mecklenburg-Vorpommern |
| Arondisamant | Vorpommern-Greifswald |
| Kumuniezh | Usedom-Nord |
| Bürgermeister | Ralf Turowski (06/2026) |
| Kod kumun | 13075106 |
| Kod post | 17449 |
| Kod pellgomz | 038371 |
| Douaroniezh | |
| 54° 08′ N, 13° 46′ R | |
  Peenemünde
| |
| Gorread | 25,74 km² |
| Uhelder | 2 m |
| Poblañs | 430 (31/12/2025) |
| Stankter | 17 den/km² |
| Internet | amtusedomnord.de/ |
Peenemünde zo ur porzh bihan war aod Mecklenburg-Vorpommern, en hanternoz Alamagn.
Kumun hanternosañ enez Usedom eo Peenemünde. Emañ war ribl ar Peenestrom, ur vrec'h-vor hag a zisparti Usedom diouzh an douar-bras.
Eno e oa bet diazezet Kreizenn ensklak an arme (en alamaneg : Heeresversuchsanstalt Peenemünde, HVP) e 1937, evel unan eus ar pemp lec'h ma veze amprouet armoù ar Wehrmacht. Ar fuc'helloù V1 ha V2 a voe produet hag arnodet e Peenemünde e-pad an Eil Brezel-bed. Distrujet e voe savadurioù ar greizenn enklask-se goude ar brezel, ha ne chom ket kalz a dra war-bouez an aerborzh hag ar greizenn dredan.
Implijet e voe porzh Peenemünde gant an arme soviedel betek 1952 ha gant nerzhioù polis hag arme Republik Demokratel Alamagn goude.
Goude adunanidigezh Alamagn e voe digoret Historisch-Technisches Museum Peenemünde ("mirdi istorel ha teknikel Peenemünde") er savadur a dalveze da greizenn dredan, ur mirdi diwar-benn istor ar greizenn-enklask vilourel hag ar fuc'helloù hag an armoù amprouet eno.
