Paul ar souae

Paul ar souaenn o tiouganiñ.

Paul ar souae pe Paul ar morgazh (Krake Paul) (Weymouth, 2008 - Oberhausen, 26 a viz Here 2010) a oa ur souae tapet brud gantañ er bed a-bezh gant e ziouganoù war zisoc’hoù skipailh broadel mell-droad Alamagn. En akwariom Sea Life en Oberhausen, en Alamagn, edo o vevañ. A-raok krogadoù etrebroadel skipailh Bro-Alamagn e veze kinniget da Baul daou endalc'her treuzwelus peurheñvel serr (met barrek e oa d'o digeriñ), boued heñvel e-barzh (ur vesklenn); war unan eus an endalc'herioù e oa banniel Alamagn ha war egile banniel bro ar skipailh a vo o kevezañ outañ. Soñjal a raed ez a Paul da gerc'hat e voued er voest ar skipailh a c'hounezfe. E-kerzh UEFA Euro 2008 en devoa "diouganet reizh" 70% eus disoc'hoù skipailh Alamagn ha 100% betek-henn evit Kib mell-droad ar bed 2010 dalc'het e Suafrika.

Marvet eo e-kerzh an noz etre al Lun 25 hag ar Meurzh 26 a viz Here 2010 diwar ur marv naturel (ne vev ket ar souaeed en tu-hont da 3 bloaz).

E anv[kemmañ | kemmañ ar vammenn]

Dont a ra e anv eus ar varzhoneg Der Tintenfisch Paul Oktopus savet gant ar skrivagner alaman evit ar vugale Boy Lornsen.

Diouganoù Paul[kemmañ | kemmañ ar vammenn]

Taolenn dezastum evit krogadoù skipailh Alamagn[kemmañ | kemmañ ar vammenn]

Kevezour	Tournamant	Prantad	Diougan Paul	Disoc'h
Polonia	Euro 2008	Prantad a-strolladoù	Alamagn	2-0	Mat
Kroatia	Euro 2008	Prantad a-strolladoù	Alamagn	1-2	Fall
Aostria	Euro 2008	Prantad a-strolladoù	Alamagn	1-0	Mat
Portugal	Euro 2008	Kard gourfenn	Alamagn	3-2	Mat
Turkia	Euro 2008	Hanter gourfenn	Alamagn	3-2	Mat
Spagn	Euro 2008	Gourfenn	Alamagn	0-1	Fall
Aostralia	Kib mell-droad ar bed 2010	Prantad a-strolladoù	Alamagn	4-0	Mat
Serbia	Kib mell-droad ar bed 2010	Prantad a-strolladoù	Serbia	0-1	Mat
Ghana	Kib ar bed 2010	Prantad a-strolladoù	Alamagn	1-0	Mat
Bro-Saoz	Kib ar bed 2010	Eizhvet gourfenn	Alamagn	4-1	Mat
Arc'hantina	Kib ar bed 2010	Kard gourfenn	Alamagn	4-0	Mat
Spagn	Kib ar bed 2010	Hanter gourfenn	Spagn	0-1	Mat
Uruguay	Kib ar bed 2010	Trede plas	Alamagn	3-2	Mat