Pariser Platz
Pariser Platz a zo ur blasenn e-kreiz Berlin, nepell eus Brandenburger Tor, hag e penn kornôg Unter den Linden. Dont a ra anv ar blasenn eus aloubadeg an armeoù unvan e Pariz e 1814.
Istor
[kemmañ | kemmañ ar vammenn]A-fet savouriezh ez eo ur blasenn a c'hiz nevezklasel. Betek 1814, e oa anavezet dindan an anv Viereck (karrez). E miz Meurzh 1814 e voe kemmet hec'h anv da Bariser Platz, pa voe aloubet Pariz gant armeoù Prusia ha re vroioù all.
Unan eus plasennoù brasañ e oa Pariser Platz a-raok an Eil Brezel Bed, warni kannatiez (SUA, Bro-C'hall), akademiezh an arzoù-aker, hag an ostaleri Atlon. Lod brasañ ar savadurioù tro-dro ar blasenn a voe distrujet e dibenn ar brezel, war-bouez Brandenburger Tor. Da vare rann Berlin e voe ar blasenn e-kreiz an no man's land. Pa voe unvanet Berlin e 1990, e teuas Pariser Platz da vezañ ul lec'h a-bouez : eno e voe adkaset ar c'hannatiez hag akademiezh an arzoù. Reolennoù a-fet sevel a zo avat : savadurioù 22 metrad uhelder dezho d'ar muiañ a c'haller lakaat sevel.
Savadurioù war Pariser Platz
[kemmañ | kemmañ ar vammenn]- Brandeburger Tor
- Haus Sommer, implijet gant Bank ar c'henwerzh
- Kannati ar Stadoù-Unanet
- Kannati Bro-C'hall
- Palez Wrangel, sez DZ Bank
- Akademiezh arzoù Berlin
- Adlon
- Eugen-Gutmann-Haus, sez Dresdner Bank
- Palez am Pariser Platz
- Haus Liebermann
- Mirdi Kennedy
Annezidi vrudet
[kemmañ | kemmañ ar vammenn]- Achim von Arnim, barzh ha skrivagner
- August von Kotzebue, skrivagner pezhioù-c'hoari
- Max Liebermann, livour
- Giacomo Meyerbeer, sonaozour
- Friedrich Carl von Savigny, barner
- Albert Speer, savour, ministr nazi
- Friedrich von Wrangel, marichal prusian
