Paperach-postel
Graet e vez paperach-postel eus ar goloioù-lizher, ar c’hartennoù-post, an aerskridoù, ar bandennoù paper evit kas kazetennoù, hag all, a zo warno un timbr moullet gant ur velestradurezh, pe un enskrivadur bennak a embann e oa bet paeet an taos.
Ken kozh hag an timbroù eo seurt paperachoù : ijinet er Rouantelezh-Unanet e 1841 ez eo ur stumm nevez eus ar paper-timbr a veze implijet abaoe ar XVIIvet kantved. Danvez dastumadennoù int evel an timbroù.