Panzerbüchse 39
| Panzerbüchse 39 | |
|---|---|
 Ur fuzuilh Panzerbüchse 39 implijet gant ur soudard alaman e norzh Frañs, e 1942. | |
| Kinnig | |
| Bro | .svg){kind=small} Trede Reich
|
| Doare | Fuzuilh eneptank un-tenn |
| Mont en-dro | Tennata dre zorn, dre vorailh doare falling block |
| Munisionoù | 7,92 × 94 mm |
| Bloavezh ijinañ | 1939 |
| Produer | Gustloff Werke |
| Mare produiñ | 1940 - 1941 |
| Niver produet | 39.232 |
| Pouez ha muzulioù | |
| Mas (hep kartouchenn) | 12,6 kg |
| Hirder | 1.620 mm |
| Hirder (lamm pleget) | 1.280 mm |
| Hirder ar c'hanol | 1.085 mm |
| Perzhioù all | |
| Hed-tenn efedus | 300 m (evit treuziñ 25 mm hobregon) |
| Tizh mont e-maez ar boledoù | 1.210 m/s |
| Lusk-tennañ | 10 tenn/mn (lusk pleustrek, hervez an tenner |
| Endalc'h | Karger ebet ; div voestad 5 kartouchenn staget ouzh an arm, tost ouzh dorn an tenner. |
| Lezenn | |
| Rummad e Bro C'hall | ? |
Ar Panzerbüchse 39, berraet en PzB 39 (alamaneg : "fuzuilh chaseal tankoù doare 39"), a oa ur fuzuilh eneptank alaman implijet e-kerzh an Eil Brezel-bed. Kambret e oa evit kartouchennoù 7,92 × 94 mm. Un doare gwellaet e oa eus ar fuzuilh Panzerbüchse 38 (PzB 38)[1].
Diorroadur
[kemmañ | kemmañ ar vammenn]Orin : Mauser Tangewehr ha PzB 38
[kemmañ | kemmañ ar vammenn]Ar fuzuilhoù eneptank alaman a oa bet krouet e 1917 gant ar Mauser Tankgewehr M1918, ar c'hentañ fuzuilh eneptank en istor. Kambret e oa e 13,2 × 92 mm SR. Krouet e oa bet evel diskoulm d'an tankoù ponner saoz kentañ erruet war an dachenn emgann war talbenn kornôg ar brezel-bed. Ur fuzuilh un-tenn e oa. Ne oa ket bet implijet kement-se ; tro 15.800 skouerenn a voe savet.
An nazied a adlañsas studiadennoù war armoù a seurt-se er bloavezhioù 1930, pa gemerjont ar galloud. Adalek 1938 e voe produet gant Rheinmetall ar fuzuilh Panzerbüchse 38, un arm un-tenn kambret e 7,92 mm, ur c'halibr bihanoc'h evit hini an armoù eneptank alaman kent. Ponner e oa (16,2 kg). Ur sistem morailhañ falling block a oa dezhi. Koustus e oa, ha darvoudoù-tennañ a c'hoarvezas. Etre 1.600 ha 2.000 anezhe hepken a voe produet betek 1939, pa voz divizet degas kemmañ d'an arm[1][2].
PzB 39
[kemmañ | kemmañ ar vammenn]E 1939 e voe kinniget ur stumm skañvoc'h (12,6 kg e-lec'h 16,2 kg), anvet PzB 39. Div voestad 5 kartouchenn a voe ouzhpennet ouzh ar fuzuilh, tost ouzh dorn an tenner, evit ma c'hallje tapout munisionoù nevez buanoc'h goude an tenn. Ul lamm plegus he doa. 39.232 skouerenn a voe produet[1] etre miz Meurzh 1940 ha miz Du 1941. Adalek 1942, ar braz eus skouerennoù an arm a voe troc'het o c'hanol ha treuzfurmet e banneroù-greunadennoù. Anvet e voent neuze Granatbüchse Modell 39 (GrB 39)[2]. Implijet e voent betek dibenn ar brezel en Europa en nevezamzer 1945. Ar skouerennoù orin eus ar PzB 39 zo pezhioù ral, priziet gant an dastumerien[3].
Daveennoù
[kemmañ | kemmañ ar vammenn]- ↑ 1,0 1,1 ha1,2 (en) The German PzB 38/39 (Panzerbuchse), Antitank (lennet d'an 21/09/2025)
- ↑ 2,0 ha2,1 (en) POPENKER Maxim, PzB.38 PzB.39, Modern Firearms (lennet d'an 21/09/2025)
- ↑ (en) German Pz.B.39 Single Shot Anti-Tank Rifle, Rock Island Auction Company, 04/12/2021 (lennet d'an 21/09/2025)
| ||||||||||||||||||||||||||
