PSS (pistolenn)
| Pistolenn PSS | |
|---|---|
 Ur bistolenn PSS | |
| Kinnig | |
| Bro |  URSS
|
| Doare | Pistolenn damaotomatek, daou-ober |
| Mont en-dro | Tennata dre argil |
| Munisionoù | 7,62 × 42 mm SP-4 |
| Mare implij | Abaoe 1983 e unvezioù milourel soviedel, hag e reoù Rusia war-lerc'h |
| Meneger GRAU | 6-P-28 |
| Pouez ha muzulioù | |
| Mas (hep kartouchenn) | 0,700 kg |
| Mas (karget) | 0,850 kg |
| Hirder | 165 mm |
| Hirder ar c'hanol | 35 mm |
| Perzhioù all | |
| Hed-tenn efedus | 25 m |
| Hed-tenn d'ar muiañ | 50 m |
| Tizh mont e-maez ar boledoù | 200 m/s |
| Endalc'h | Karger fiñv 6 kartouchenn |
| Lezenn | |
| Rummad e Bro-C'hall | B |
Ar PSS (rusianeg : ПСС, Пистолет Специальный Самозарядный, Pistolet Spezialni Samosarjadni, «Pistolenn Ispisial Aotomatek»), anvet ivez Vul, zo ur bistolenn damaotomatek daou-ober, ijinet en URSS e dibenn ar bloavezhioù 1980 evit izili ar c'hKGB ha soudarded zo eus ar Spetsnaz hag eus an nerzhioù armet soviedel. Lakaet e voe e servij war-dro 1983[1].
Ur sistem tennata dre argil hag ur c'harger c'hwec'h tenn zo ganti. Dibar eo he mont en-dro, pa voe savet an arm evit bezañ didrouz penn-da-benn, a-drugarez d'e gartouchennoù 7,62 × 42 mm SP-4 ha d'e sistem piston a vir gazoù tarzhadenn an tenn e diabarzh an arm. Efedus eo ar boled betek 25 metr[2]. Perzh fall an arm eo e strink douilhezioù aes da anavezout, ar pezh a c'hall bezañ kudennek evit servijoù kuzh. Ar peurrest eus gwikefre ar PSS zo diazezet war ar Makarov[1].
Un eil stumm (PSS-2), kambret evit ur munision primoc'h (300 m/s e-lec'h 200 m/s) ha lakaet e servij adalek 2011, a vez implijet gant an FSB hag ar Spetsnaz. Ur reilh Picatinny zo dindani[3].
Er sevenadur
[kemmañ | kemmañ ar vammenn]Ar PSS a c'haller implijout en un dornad c'hoarioù video evel World of Guns: Gun Disassembly[4].
Daveennoù
[kemmañ | kemmañ ar vammenn]- ↑ 1,0 ha1,1 (en) POPENKER Maxim, The PSS silent special pistol (USSR/Russia), Modern Firearms (lennet d'an 03/09/2025)
- ↑ (en) DATER Philip H., Beyond Quiet: The Russian PSS Captive Piston Pistol, Small Arms Defense Journal, 19/09/2022 (lennet d'an 03/09/2025)
- ↑ (en) POPENKER Maxim, PSS-2 silent, Modern Firearms (lennet d'an 03/09/2025)
- ↑ (en) PSS Silent Pistol, IMFDB (lennet d'an 03/09/2025)
