Otto I (dug Saks)

Eus Wikipedia
Mont da : merdeiñ, klask

Otto I, dug Saks a oa ganet war-dro 851 ha marvet d'an 30 a viz Du 912. Lesanvet e oa Illur ha Meurdezus. E kronikenn Annalista Saxo eo skrivet e oa eus Otto un ducis de Liudolfi de filius[1], da lavarout eo e oa mab da Liudolf Saks (830-864), ha da Oda, merc'h d'ar priñs frank Billung ha d'e bried Aeda.

Marteze e oa gourvab da Widukind hag e tiskenne, dre e vamm, eus Karl-Veur. Dug Saks e voe Otto war-lerc'h e vreur Bruno (pe Brunon), e 880, ha betek e varv. Lazhet e oa bet e vreur en un emgann ouzh ar Vikinged. Otto a vrezelias ouzh an Hungared hag ar Wended, hag a reas eus Saks ar galloudusañ dugelezh c'herman.

E vuhez[kemmañ]

E zouaroù[kemmañ]

Er bloavezh 900, e oa bihanoc'h Saks er reter. Meuriadoù slavek a oa war lez ar stêr Elbe.

Dug Saks e oa, met e 908 ec'h astenne e c'halloud war Thuringen ivez, ha kont e oa en Eichsfeld, abad diveleg abati Hersfeld. Kement-se a ouzer dre ur garta a-berzh ar roue Loeiz III Germania, eus abati Gandersheim, deiziet d'ar 26 aviz Genver 877. Ar pago Suththuringa (pe bro Thuringen ar c'hreisteiz) a zo lavaret e-barzh comitatu Ottonis, kontelezh Otto. Hervez ur garta all eus an 28 a viz Genver 897, e lenner e oa Otton I Saks marchio pago Eichesfelden (Eichsfeld) da lavarout eo margrav. Graet e vez magni ducis Oddonis (dug-meur Otto) anezhaén gant Widukind Corvey en eured e c'hoar, Liutgard, gant ar roue Louis III Germania.

Ur priñs german[kemmañ]

Ral e voe dezhañ kuitaat Saks. Ur priñs bihan e oa, dindan daou zen : ar roue Loeiz III Germania, hag an impalaer Arnulf Karintia, met emren e oa en e vro. Tailhoù a sav diwar-goust ar Slaved en tu all d'an harzoù. mont a reas da vrezeliñ da Italia en 984 hag anvet e voe da c'houarnour Milano[2]. Faezhañ a reas e alouberien, Hungared ha Wended.


Dimeziñ ha bugale[kemmañ]

E vab henañ, ar roue Herri I Germania.

Dimeziñ a eure Otto I da Hedwige Babenberg (war-dro 856 - 24 a viz Kerzu 903, merc'h da Herri Babenberg (war-dro 856- 903) ha da Ingeltrude, merc'h Eberhard Frioul, markiz Frioul, ha da Gisela, merc'h d'an impalaer Loeiz an Deol.

Notennoù[kemmañ]

  1. Annalista Saxo 907.
  2. L'art de vérifier les dates ... de David Baillie Warden, Jean Baptiste Pierre Jullien Courcelles, p.146.