Ota Dokan

Eus Wikipedia
Mont da : merdeiñ, klask

Ōta Dōkan (太田 道灌, Ōta Dōkan), 1432-1486, a oa ur samourai hag ur barzh japanat. Ganet e oa bet gant an anv Ōta Sukenaga (太田 資長) en un tiegezh daimyoed a ziskenne eus Minamoto no Yorimasa.

E 1457 e oa bet lakaet sevel Kastell Edo gantañ hag e 1458 en doa tapet an anv Dōkan, ma anavezed anezhañ dreist-holl. Dibabet e voe ar c'hastell da lec'h annez ar shogun Tokugawa Ieyasu e 1590 ha talvezet en deus da sez evit ar gouarnamant. Deuet eo ar c'hastell da vezañ lec'h palez an Impalaer a-hiziv. Bep 1añ a viz Here e vez lidet e zeiz-ha-bloaz e Tokyo a-benn enoriñ memor Ota Dokan, saver ar c'hastell.

E-touez ar monumantoù all bet lakaet da sevel gant Dokan emañ templ Hirakawa, ma lider ur festival d'ar 24-25 Ebrel. Savet eo bet an templ war diazezoù kastell Edo-jo ha gouestlet eo da Sugawara no Michizane, doue ar varzhoniezh hag ar gelennadurezh.

Setu marvnad Ōta Dōkan :

Kakaru toki
sa koso inochi no
oshikarame
kanete nakimi to
omoishirazuba
Mard em bije gouezet
e oan marv
dija
Em bije douget kañv
da'm buhez kollet
Flag of Japan.svg Porched Japan ha sevenadur Japan – Adkavit ar pennadoù a denn da Japan ha d'e sevenadur.