Oberiadur Korventenn (Polonia)
| Rann eus | Eil Brezel-bed  |
|---|---|
| Lec'h | Eil Republik Polonia |
| Deiziad | 4 Genver 1944 |
| Perzhiad | lu diabarzh |
Oberiadur Korventenn pe Oberiadur Burza (poloneg : "akcja Burza”) a oa bet un heuliad emsavadegoù e-kerzh an Eil Brezel-bed a-enep an nerzhioù dalc'herezh alaman gant an Arme Diabarzh (Armia Krajowa, berraet en AK), nerzh galloudusañ ar Rezistañs polonat.
Pal an Oberiadur Korventenn e oa kemer dre an nerzh kêrioù ha tiriadoù dalc'het gant an Alamanted e-pad ma oant o prientiñ an difennerezh a-enep al Lu Ruz hag a oa o vont war-raok. Ar Stad polonat kuzh en doa spi e c'hellje kemer ar galloud a-raok ma erruje Soviediz.
Pal ar gouarnamant polonat en harlu e Londrez e oa adsevel harzoù Polonia gant URSS evel e 1939, en ur nac'hañ al Linenn Curzon evel harzoù. Hervez Jan Ciechanowski,
"Ar c'habined polonat [en harlu] a grede, ma vije nac'het al Linenn Curzon, e oant o tifenn an identelezh vroadel hag ar gwir da gaout ur vro bolonat. Mennet e oant da adsevel an darempred etre Rusia ha Polonia hervez diazez ar pezh a oa a-raok 1939."[1]
Notennoù ha daveennoù
[kemmañ | kemmañ ar vammenn]- ↑ Jan. M. Ciechanowski. The Warsaw Rising of 1944. Cambridge University Press. Cambridge. London. 1974. p.9