Nedeleg

Ur pennad Nedeleg (anv-tud) zo ivez.

Nedeleg a zo ur gouel kristen, gouel ganedigezh Jezuz, mab Doue hervez ar gristenion. "Gouel Ginivelezh Hor Salver" eo an anv dik el liderezh kristen.

Ar C'hinivelezh gwelet er XV^vet kantved (Les Très Riches Heures du duc de Berry)

Istor

Ebenezer Scrooge hag ar Ghost of Christmas Present. Tennet eus A Christmas Carol, gant Charles Dickens e 1843.

E 1843 e skrivas Charles Dickens ar romant A Christmas Carol a reas da spered an nedeleg advevañ.

Hiziv

Hiziv an deiz e vez lidet gouel Nedeleg gant nann-kristenion ivez. Dizoueidi, yuzevion, muzulmidi, hogos an holl familhoù a laka ur wezennig sapr kinklet en o sal-vras da geñver dibenn ar bloaz.

D'ar 25 a viz Kerzu an hini eo e vez lidet Nedeleg peurvuian (Nozveilh ar Pellgent a c'hoarvez eta etre ar 24 hag ar 25), nemet evit darn eus an ilizoù reizhkredennek, a zalc'h d'ar 7 a viz Genver (e Rusia, Polonia, Tchekia, Serbia, Bulgaria, Jorjia), ha d’ar 6 a viz Genver emañ evit Iliz Armenia.

An deiziad a zo bet termenet gant an iliz katolik da glotañ gant Gouel Yann ar Badezour, d'ar 24 a viz Mezheven, c'hwec'h miz a-raok, lesanvet "an Diaraoger", dre m'en doa disklêriet "Me eo ar vouezh a gri en dezerzh : kempennit an hent d'an Aotrou".

Gouel ar familh eo evit kalz a dud, gouel ar vugale dreist-holl, a c'hortoz gant mall profoù ar " Mabig Jezuz " evit ar gristenion, pe "Tad-kozh Nedeleg" (pe an Tad Nedeleg) bet degaset gantañ "dre ar siminal", e-harz ar wezenn-sapr, dirak botoù pep hini.

Giz ar profoù da-geñver Nedeleg en deus lakaet ar gouel-se da vezañ ur mare a-bouez evit ar c'henwerzh, ha kavet e vez abeg en emdroadur-se a zo natur koulskoude en armerzh a hiziv, diazezet war ar beveziñ.

Nedeleg Laouen

Hetet e vez un Nedeleg Laouen d'an dud e kalz yezhoù

• Alamaneg : Fröhliche Weihnachten
• Bulgareg : Tchestito Rojdestvo Hristovo
• Daneg : Glædelig Jul
• Esperanteg : Ĝojan Kristnaskon
• Finneg : Hyvää Joulua
• Gouezeleg Skos : Nollaig Shona Dhuit
• Gresianeg : Kala Hristougenna
• Hungareg : Boldog karàcsonyt
• Islandeg : Gledileg Jol
• Italianeg : Buon Natale
• Izelvroeg : Vrolijk Kerstfeest
• Katalaneg : Feliç nadal
• Kerneveureg : Nedelek lowen
• Norvegeg : Gledelig Jul
• Poloneg : Wesolych Świąt
• Portugaleg : Feliz Natal
• Ruseg : С Рождеством (s rojd yèsst vom)
• Saozneg : Merry Christmas
• Sinaeg : 圣诞快乐 (shèng dàn kuài lè)
• Sorabeg uhel : Wjesołe hody
• Sorabeg izel : Wjasołe gódy
• Spagnoleg : Feliz Navidad
• Svedeg : God Jul

Pennadoù kar

• Tad Nedeleg
• Gwezenn Nedeleg
• Kraou Nedeleg
• Skod Nedeleg
• Marc'had Nedeleg

Liammoù diavaez

• Noueloù hengounel eus bro Nisa (saozneg) (galleg) (okitaneg)