Morlu roman
| Rann eus | military of ancient Rome  |
|---|---|
| Deiziad krouiñ | 311 BCE |
| Stad | Henroma |
| Item operated | Roman navy fleet |
Nerzhioù morlu ar Stad henroman (classis, flodad) a oa bet pouezus evit aloubadegoù roman trowardroioù ar Mor Kreizdouar, met biken ne voe ken efedus ha ken galloudus hag al lejionoù roman. A-hed an Henamzer, ar Romaned a oa chomet ur bobl eus an douar hag en em harpañ a raent war ar pobloù sujet evel ar C'hresianed hag Egiptiz evit sevel o bigi. Dre-se, ne oa ket bet ar morlu biskoazh hini ar Stad roman da vat, ha chomet e oa stag outi ur skeudenn "nann-roman"[1].
En Henamzer, an armeoù-mor hag ar flodadoù kenwerzh ne oant ket ken emren ha ma 'z int hiziv-an-deiz. Keñveriet gant implij ar morluioù a-vremañ, morlu ar Romaned en e barr ne oa ket emren met bez e oa ur skourr oc'h harpañ hag o kenlabourat gant an Arme roman.
E-kerzh ar C'hentañ Brezel Punek, ar morlu roman a oa bet kresket kalz ha pouezus e oa bet evit harpañ trec'h ar Romaned ha mestroni ar Republik roman war ar Mor Kreizdouar. E-kerzh kentañ lodenn en eil kantved a-raok Jezuz-Krist, Roma a oa deuet a-benn da zistrujañ Kartada ha da sujañ rouantelezhioù ar bed hellenadek e reter ar Mor Kreizdouar. Evel-se e oant deuet da vezañ mistri war ar mor diabarzh anvet ganto a-benn neuze ar Mare Nostrum. Ar flodadoù roman a oa bet pouezus adarre er Iañ kantved a-raok J.-K. er brezelioù a-enep ar vorlaeron, hag er brezelioù diabarzh o doa kaset ar Republik d'an traoñ, gant o brezelioù dre ar Mor Kreizdouar a-bezh. En 31 a-raok J.K. e oa c'hoarvezet emgann Actium hag a lakaas un termen d'ar brezelioù diabarzh, gant trec'h klok Augustus ha diazezadur an Impalaeriezh roman.
Notennoù ha daveennoù
[kemmañ | kemmañ ar vammenn]- ↑ Potter, David (2004), "The Roman Army and Navy", en Flower, Harriet I. (ed.), The Cambridge Companion to the Roman Republic, Cambridge University Press, pp. 66–88, ISBN 978-0-521-00390-2