Mildenhall (Suffolk)
Ur pennad Mildenhall zo ivez.
| Bro | Rouantelezh-Unanet  |
|---|---|
| Kêr-benn eus | Forest Heath |
| E tiriad | Mildenhall High |
| Kontelezh istorel | Suffolk |
| Daveennoù douaroniel | 52°20′41″N 0°30′32″E |
| Kod-post | IP28 |
| Lec'hienn ofisiel | http://www.mildenhall.suffolk.gov.uk/ |
| Kod pellgomz an takad | 01638 |
| Daveennoù an Ordnance Survey | TL710748 |
Mildenhall zo ur barrez keodedel, e kornôg kontelezh Suffolk , e gevred Bro-Saoz. E 60 km e gwalarn Ipswich emañ. Eno ez eus ur bon eus ar Royal Air Force anvet "RAF Mildenhall" hag a zo implijet ivez gant an United States Air Force. E su ha reter ar barrez e krog ur rannvro c'heuniek anvet "The Fens".
Arkeologiezh
[kemmañ | kemmañ ar vammenn]Annezet eo al lec'h abaoe Oadvezh an arem da nebeutañ.
Dizoloet e oa "teñzor Mildenhall" e kêr e 1942. Ur bern traezoù arc'hant roman douaret er IVre kantved eo an teñzor. E 1946 e voe embannet an dizoloadenn hag an teñzor a voe prenet gant ar British Museum, e-lec'h m'emañ hiziv an deiz.
Roald Dahl a skrivas ur pennad diwar-benn an dizoloadenn hag a voe embannet da gentañ er Saturday Evening Post, ha goude-se evel "The Mildenhall Treasure" (un istor berr) en e zastumad danevelloù The Wonderful Story of Henry Sugar and Six More. E Mirdi Mildenhall e kreiz-kêr e kaver diskouezadegoù eus istor al lec'h hag eus al loened gouez, istor bon an RAF, ha titouroù diwar-benn Teñzor Mildenhall. Digoust eo ar mont-tre, cheñch a ra an eurioù digeriñ a-hed ar bloaz. Ar rannvro etre Devil's Dyke hag al linenn etre Littleport ha Shippea Hill a ziskouez ur bern kavadelloù arkeologel eus Oadvezh ar maen, Oadvezh an arem ha Oadvezh an houarn.
Ar gêr
[kemmañ | kemmañ ar vammenn]Ur groaz eus ar XVIvet kantved a zo war blasenn ar marc'had.
Dediet eo d'ar gêr ur ganaouenn gant ar strollad The Shins. Menneget eo ivez evel al lec'h ma kej mab-den gant ur vuhez ezdouarat e kanaouenn "Let There Be More Light" eus albom Pink Floyd "A Saucerful of Secrets" deuet er-maez e 1968.
Gant ar bon ez eus kalz keodeded stadudunat o chom er barrez : 30% eus an annezidi a oa ganet e SUA e 2005, ar feur brasañ e Breizh-Veur[1].
Liammoù diavaez
[kemmañ | kemmañ ar vammenn]Daveoù
[kemmañ | kemmañ ar vammenn]- ↑ "Born abroad: USA", BBC News (7 a viz Gwengolo 2005).