Michael Gough
|
Michael Gough | |
_trailer_-_Michael_Gough_(cropped_%26_flipped).png)
| |
Michael Gough evel Arthur Holmwood e Dracula (1958).
| |
| Ganedigezh | 23 Du 1916 Kuala Lumpur, Malaya (Malezia Breizh-Veur d'ar c'houlz-se) |
|---|---|
| Broadelezh | saoz |
| Marvedigezh | 17 Meurzh 2011 (94) Salisbury, Bro-Saoz |
| Micher(ioù) | aktor |
| Filmoù brudet | Dracula, Out of Africa, Batman, Sleepy Hollow |
Michael Gough a oa un aktor saoz bet ganet d'ar 23 a Du 1916 e Kuala Lumpur, Malezia ha marvet e 2011 e Salisbury, e Wiltshire[1]. C'hoariet en deus e ouzhpenn 150 film sinema ha skinwel, en o zouez Dracula (1958), Out of Africa (1958, o c'hoari Lord Delamere), e-barzh ar filmoù Batman sevenet gant Tim Burton ha Joel Schumacher, e Sleepy Hollow. C'hoariet en deus ivez e abadennoù skinwel breizhveurat evel Doctor Who ha The Avengers. Ur c'homedian dreist eo bet er c'hoariva, da skouer e resevas un Tony Award evit e roll e Bedroom Farce, ur pezh skrivet gant an dramaour breizhveurat hollvrudet Alan Ayckbourn.
Mervel a reas Michael Gough er gêr d'an oad a 94 bloaz, e Salisbury e Wiltshire. Devet e voe e gorf ha strewet e voe e ludu e Mor Breizh.
Daveoù
[kemmañ | kemmañ ar vammenn]- ↑ (en) "Michael Gough obituary" gant Eric Shorter (17 a viz Meurzh 2011). The Guardian. Londrez. Retrieved 17 a viz Meurzh 2011.