Mercè Rodoreda

den
Reizh pe jener	plac'h
Bro ar geodedouriezh	Spagn
Anv e yezh-vamm an den	Mercè Rodoreda i Gurguí
Anv ganedigezh	Mercè Rodoreda i Gurguí
Anv-bihan	Mercè
Anv-familh	Rodoreda
Eil anv tiegezh en anvioù spagnolek	Gurguí
Deiziad ganedigezh	10 Her 1908
Lec'h ganedigezh	Barcelona
Deiziad ar marv	13 Ebr 1983
Lec'h ar marv	Girona
Doare mervel	abeg naturel
Abeg ar marv	krign-bev an avu
Lec'h douaridigezh	Cementiri de Romanyà de la Selva
Tad	Andreu Rodoreda i Sallent
Mamm	Montserrat Gurguí i Guàrdia
Pried	Joan Gurguí
Kompagnun(ez)	Armand Obiols
Bugel	Jordi Gurguí i Rodoreda
Yezh vamm	katalaneg
Yezhoù komzet pe skrivet	katalaneg, spagnoleg, esperanteg
Yezh implijet dre skrid	katalaneg
Micher	skrivagner, romanter, barzh, Esperantist, short story writer
Tachenn labour	lennegezh
Implijer	Revista de Catalunya, Comissariat de propaganda, La Publicitat, Institució de les Lletres Catalanes
Bet war ar studi e	Escola Menéndez Pelayo, Liceu Dalmau
Deroù ar prantad labour	1930
Ezel eus	Associació d'Escriptors en Llengua Catalana
Tachenn	barzhoniezh
Levezonet gant	Pere Gurguí, Delfí Dalmau i Gener
Lec'hienn ofisiel	http://www.mercerodoreda.cat/
Dileuriad ar gwirioù a aozer	reproduction right represented by CISAC-member
Statud e wirioù aozer	Oberennoù dezhe gwirioù aozer

Mercè Rodoreda i Gurguí (10 Here 1908 – 13 Ebrel 1983) a oa ur skrivagnerez katalanek hag unan eus skrivagnerien bouezusuañ Katalonia en XX^vet kantved.

Buhez

Ganet e voe Mercè Rodoreda e Sant Gervasi, ur c'harter eus Barcelona^[1]. Didrubuilh e voe he bugaleaj, gant un tad troet gant al lennegezh hag ur vamm troet gant ar sonerezh. Lenn a reas oberennoù ur bern skrivagnerien gatalanek, klasel pe vodern, evel Jacint Verdaguer, Ramon Llull, Joan Maragall pe Josep Carner. C’hoari a reas e meur a bezh-c’hoari e-kerzh he bugaleaj. Levezonet e voe ivez gant he zad-kozh, a zeskas dezhi liorzhañ ha karout al lennegezh. Gwall skoet e voe pa varvas-eñ, hag hi daouzek vloaz.

E 1928 e timezas d’he eontr Joan Gurguí (14 vloaz koshoc’h egeti) hag ur mab o devoe, Jordi Gurguí. Adalek ar mare-se e krogas Mercè Rodoreda da skrivañ lennegezh, evit tec’hel diouzh he buhez evel « maouez er gêr ». Neuze e savas barzhonegoù, ur pezh-c’hoari hag ur romant. Da vare an Eil Republik spagnol, er bloavezhioù 1930, e labouras ivez evel kazetennerez. E 1937 e tapas ar priz Joan Crexells gant he romant Aloma. Sellet a rae-hi outañ evel he levr « azv » kentañ, met adskrivet e voe ganti penn-da-benn e 1969. Er bloaz-se ivez e tispartias diouzh he gwaz Joan Gurguí.

Abalamour d’ar Brezel Diabarzh e kuitaas Barcelona e 1939. Bevañ a reas en harlu e Roissy-en-Brie, e Bro-C'hall, da gentañ, a-raok tec'hel da Suis hag en em staliañ e Geneva. E Geneva, ma veve gant he c’haredig, Joan Prat, e skrivas he levr anavezetañ, La plaça del Diamant, a seller outañ evel ar romant katalanek pouezusañ en eil hanterenn an XX^vet kantved.

E 1972 e tistroas da Gatalonia hag ober a reas he annez e Romanyà de la Selva, ur geriadenn nepell diouzh an aod, e proviñs Girona. Eno e skrivas levrioù all c’hoazh. E 1980 e voe embannet he romant diwezhañ Quanta, quanta guerra... hag er bloavezh-se ivez e tapas ar Premi d'Honor de les Lletres Catalanes (Priz a enor al lizhiri katalanek)

Mervel a reas diwar ur c’hrign-bev e 1983 ha beziet e voe e Romanyà de la Selva.

Oberenn

Romantoù he deus skrivet Mercè Rodoreda dreist-holl, met ivez barzhonegoù ha pezhioù-c’hoari. Meur a hini eus he romantoù zo bet troet e yezhoù all, ar galleg hag ar saozneg en o zouez. E-mesk he levrioù anavezetañ e c’haller menegiñ :

(1932) Sóc una dona honrada?
(1934) Del que hom no pot fugir
(1934) Un dia en la vida d'un home
(1936) Crim
(1938) Aloma
(1958) Vint-i-dos contes
(1962) La plaça del Diamant
(1966) El carrer de les Camèlies
(1967) Jardí vora el mar
(1967) La meva Cristina i altres contes
(1974) Mirall trencat
(1978) Semblava de seda i altres contes
(1979) Tots els contes
(1980) Viatges i flors
(1980) Quanta, quanta guerra...
(1986) La mort i la primavera

Notennoù

↑ (ca) AELC

[1] (ca) AELC

[1]