Matthias Klostermayr
Matthias Klostermayr, lesanvet an Hiasl bavarian (alamaneg Bayerischer Hiasl, Austro-Bavarian Boarische Hiasl), ganet d'an 3 a viz Gwengolo 1736 hag aet da Anaon d'ar 6 a viz Gwengolo 1771, a oa un torfedour alaman, bigrier hag emsaver sokial hag a zo deuet da vezañ, dreist-holl a-berzh an dezrevelloù e saozneg, ar Robin Hood bavarian.
Ganet e voe e kumun Kissing, nepell diouzh Augsburg (e anv-badez a oa Mattheus Klostermair; hervez an doare skrivañ Aostriat-bavarian). An Hiasl bavarian a oa deuet da vezañ un den er maez eus al lezenn, da gentañ evel bigrier ha goude-se e oa troet d'ur penn bandennad evel Robin Hood - laerien, e-kerzh ar bloavezhioù 1760, hag a breizhe ha laere e rannvro München, Augsburg ha Souabia. En desped da vezañ bet harzet ha lakaet da vreviñ ouzh ar rod e 1771, mojenn an teñzor a vije bet dastumet ha kuzhet gantañ n'eo ket bet kavet biken. Mojennoù a gendalc'h da embann e vije kuzhet marteze nepell diouzh unan eus e lec'hioù goudor evel ur vougev kozh e koad Kuchelschlag pe e ti feurm Jexhof.
E Bavaria dreist-holl met ivez e lec'hioù all, eo deuet da vezañ un haroz poblek, dre levrioù, kanaouennoù, komediennoù sonerezh hag ar mirdi liesvedia e Kissing "Hiasl Erlebniswelt" ("Bed an Hiasl") hag a gont e istor. Er mirdi e vez adsavet evit an arvesterien buhez an dudenn kement ha buhez an dud dre vras en amzer "priñs c'herman ar c'hoadeier", ha roet e vez munudoù eus lazhidigezh spouronus an den e Dillingen an der Donau. Friedrich Schiller a vez lâret da vezañ bet awenet gant an Hiasl eus Bavaria o azasaat an dudenn Karl Moor warnañ, en e gentañ pezh-c'hoari Die Räuber ("Al laerien"), embannet dek vloaz goude an darvoudoù e 1781.