Masimilian Iañ Mec'hiko
| Reizh pe jener | paotr  |
|---|---|
| Bro ar geodedouriezh | Impalaeriezh Aostria, Second Mexican Empire |
| Anv e yezh-vamm an den | Maximilian I. von Mexiko, Maximiliano I de México |
| Anv ganedigezh | Ferdinand Maximilian Joseph Maria von Österreich |
| Anv-bihan | Maximilian |
| Titl noblañs | Archduke, Emperor of Mexico |
| Deiziad ganedigezh | 6 Gou 1832 |
| Lec'h ganedigezh | Kastell Schönbrunn |
| Deiziad ar marv | 19 Mez 1867 |
| Lec'h ar marv | Santiago de Querétaro |
| Doare mervel | kastiz ar marv |
| Abeg ar marv | gloaz dre arm-tan |
| Lec'h douaridigezh | Imperial Crypt |
| Tad | Franz Karl von Österreich |
| Mamm | Sophie Friederike von Bayern |
| Breur pe c'hoar | Archduchess Maria Anna of Austria, Franz Joseph Iañ, Karl Ludwig von Österreich, Archduke Ludwig Viktor of Austria |
| Pried | Charlotte Belgia |
| Bugel | Agustín de Iturbide y Green, Salvador de Iturbide y Marzán |
| Familh | House of Habsburg-Lorraine |
| Yezhoù komzet pe skrivet | alamaneg |
| Micher | politiker, louzawour |
| Karg | Emperor of Mexico, Member of the House of Lords (Austria) |
| Lec'h annez | Chapultepec Castle |
| Relijion | Katoligiezh |
| Grad milourel | amiral |
| Ezel eus | Austrian Academy of Sciences |
| Perc'henn war | Miramare Castle |
Masimilian Iañ Mec'hiko (1832-1867) a voe impalaer Mec'hiko, kent bezañ fuzuilhet gant an emsavidi vec'hikan.
Mab e oa da Franz Karl von Österreich ha da Sophie von Bayern. Breur yaouank an impalaer aostrian Franz Joseph Iañ e oa.
E 1857 e timezas e Brusel d'ar briñsez Charlotte Belgia, merc'h da Leopold Iañ Belgia, roue Belgiz, ha da Louise-Marie d'Orléans.
Goude bloavezhioù e morlu Aostria, e asantas d'ar c'hinnig graet dezhañ gant Napoleon III, impalaer Bro-C'hall, da vont da ren war Mec'hiko. Aloubet e oa bet Mec'hiko gant ar C'hallaoued e 1861, gant asant stadoù all Europa. Evit diazezañ eno ur galloud a-du gant Bro-C'hall e voe pedet Masimilian gant Napoleon III, da vont da impalaer ar vro. Mont a reas da Vec'hiko, gant skoazell an arme c'hall hag un nebeud mirourien vec'hikan. Hag anvet e voe da Impalaer Mec'hiko d'an 10 a viz Ebrel 1864.
Nac'het e voe anavezout an impalaer nevez gant meur a c'houarnamant estren, ha gant hini Stadoù Unanet Amerika en o zouez. Sellout a raent ouzh impalaeriezh Masimilian evel ur stad suj da Vro-C'hall. Goude dibenn ar Brezel Diabarzh er Stadoù Unanet, e 1865, e voe degaset skoazell gant Stadunaniz d'ar republikaned vec'hikan renet gant Benito Juárez. P'en em dennas arme Bro-C'hall diouzh Mec'hiko e 1866 e krogas an traoù da vont da fall evit nerzhioù an impalaeriezh.
Paket e voe Masimilian gant an emsavidi a-du gant ar republik ha fuzuilhet e voe ganto d'an 19 a viz Mezheven 1867.