Maschinengewehr 13
| Maschinengewehr 13 | |
|---|---|
_noBG.png) Ur vindrailherez Maschinengewehr 13 | |
| Kinnig | |
| Bro | .svg){kind=small} Republik Weimar
|
| Doare | Mindrailherez yenaet dre aer |
| Mont en-dro | Tennata dre argil |
| Munision | 7,92 × 57 mm Mauser |
| Produer | Rheinmetall |
| Mare produiñ | 1930-1934 |
| Mare implij | 1930-1945 |
| Perzhioù teknikel | |
| Mas (hep kartouchenn) | 13,3 kg |
| Hirder | 1.443 mm |
| Hirder ar c'hanol | 718 mm |
| Tizh mont e-maez ar boledoù | 890 m/s |
| Lusk-tennañ teorikel | 600 tenn/mn |
| Endalc'h | Karger fiñv eeun 25 kartouchenn Karger fiñv ront 75 kartouchenn |
| Lezenn | |
| Rummad e Bro-C'hall | A |
Ar Maschinengewehr 13, anvet ivez MG13, a voe mindrailherez standart er Reichswehr alaman adalek 1930. Implijet e voe betek 1945, daoust d'ar vindrailherez MG 34 bezañ kemeret he flas adalek 1934 en ur mod ofisiel en arme.
Istor ha deskrivadur
[kemmañ | kemmañ ar vammenn]E dibenn ar bloavezhioù 1920 hag e deroù ar bloavezhioù 1930, an embregerezh alaman Rheinmetall en doa kendalc'het da labourat war gentpatromoù armoù nevez, diwar alioù ofiserien ha daoust da redioù feur-emglev Versailhez. Kemmet e oa bet gante ur fuzuilh-vindrailher Dreyse M1918 evit lakaat anezhi da vezañ yenaet dre aer. An arm nevez a voe anvet Maschinengewehr 13 (diwar 1913) evit lakaat bodadoù-kontrolliñ ar feur-emglev da grediñ e oa bet savet a-raok ar Brezel-bed Kentañ[1].
Mont a ra en-dro an MG 13 gant ur sistem tennata dre argil, ha pouveziet e oa da gentañ gant kargerioù 25 kartouchenn 7,92 × 57 mm Mauser. Kargerioù ront 75 kartouchenn a voe implijet goude ivez. Savet e oa war un daoubez a c'halled tennañ, met implijet e voe war trebezioù evit an difenn enepnijerez. Ne oa loc'henn ebet evit dibab ar mod da dennañ, aotomatek pe damaotomatek, pa veze graet a-drugarez d'ar wask war an draen nemetken[1]. An elfenn-mañ, hag he lamm deleskopek, a zo ral war vindrailherezioù[2].
Implijet e voe an arm gant unvezioù an droadegiezh alaman adalek 1930 ; produet e voe etre 1930 ha 1934 hepken, pa voe kemeret he flas gant an MG 34, skañvoc'h ha berroc'h. Broioù all evel Portugal (dindan an anv M1938) a implijas anezhi ivez[2].
Er sevenadur
[kemmañ | kemmañ ar vammenn]An arm a c'haller implijout en un nebeud c'hoarioù video eus ar rummadoù Call of Duty hag Enlisted da skouer[3].
