Mary Lou McDonald
| Reizh pe jener | plac'h  |
|---|---|
| Bro ar geodedouriezh | Iwerzhon, Rouantelezh-Unanet |
| Anv e yezh-vamm an den | Máire Labhaoise Ní Dhomhnaill |
| Anv-bihan | Mary |
| Anv-familh | McDonald |
| Deiziad ganedigezh | 1 Mae 1969 |
| Lec'h ganedigezh | Dulenn |
| Yezh vamm | saozneg, iwerzhoneg |
| Yezhoù komzet pe skrivet | saozneg, iwerzhoneg |
| Micher | politiker |
| Bet war ar studi e | Trinity College |
| Lec'h labour | Dulenn |
| Strollad politikel | Sinn Féin |
Mary Louise McDonald, ganet d'ar 1añ a viz Mae 1969, zo ur bolitikourez iwerzhonat ezel eus Sinn Féin. E penn ar strollad emañ abaoe miz C'hwevrer 2018. Bez eo un Teachta Dála (TD, ezel eus Dáil Éireann) abaoe 2011. Bez e oa bet ivez ezel eus ar parlamant europat (MEP) en anv Dulenn etre 2004 ha 2009, ha besprezidantez Sinn Féin dindan Gerry Adams etre 2009 ha 2018.
D'an 10 a viz C'hwevrer 2018 e kemeras kador Adams goude un ardfheis (kendalc'h) dreistordinal.
Buhez er strollad ha Tabutoù[kemmañ | kemmañ ar vammenn]
Bez eo bet en Ard Chomhairle (kuzul meur) Sinn Féin abaoe 2001. Tizhet he devoa ar renk a vesbrezidantez o kemer kador Pat Doherty goude Ardfheis an 22 a viz C'hwevrer 2009.
E miz Gwengolo 2003 e voe kavet abeg enni pa voe komzet ganti e-pad ur vanifestadeg e Dulenn da enoriñ Seán Russell, ur penn eus an IRA en doa bet liammoù gant an Trede Reich.
E miz Even 2009, McDonald a voe taget dre ma veze gwerzhet dafar da enoriñ an IRA en he burev.
E miz Kerzu 2015, McDonald a roe harp da Thomas "Slab" Murphy, diskrivet evel ur "republikan mat" padal e oa 9 klemm a fuadur arc'hant war e chouk. Barnet e oa bet gant ul lez-varn ispisial dre ma oa bet skoet betek ar marv an den diwezhañ a oa bet test en ur prosez a-enep dezhañ e 1999. Ne oa ket deuet a-benn da adpakañ gerioù Gerry Adams a rae eus Thomas Murphy ur "good republican". AR BBC dre un teulfilm enklask a lakae war-raok an den evel ur "mass murderer".