Marie Sophie von der Pfalz
Marie Sophie Elisabeth von der Pfalz (* 1666 en Düsseldorf; † 1699 en Lisboa), pe Maria Sofia e portugaleg, a oa Rouanez Portugal.
He buhez[kemmañ | kemmañ ar vammenn]
Merc'h e oa da Philipp Wilhelm von der Pfalz (1615–1690) ha d'e eil pried Elisabeth Amalie von Hessen-Darmstadt (1635–1709), ur verc'h da Georg II von Hessen-Darmstadt. He c'hoar henañ Eleonore Magdalene von der Pfalz a oa dimezet d'an Impalaer Santel.
Dimeziñ[kemmañ | kemmañ ar vammenn]
He c'hoar Maria Anna von der Pfalz-Neuburg (1667-1740), priñsez alaman eus Tiegezh Neuburg evelti, a oa rouanez Spagn, dimezet da Carlos II, roue Spagn. Hi eo a alias roue intañv Portugal, Pedro II, a oa intañv abaoe pevar bloaz, da c'houlenn dorn Marie Sophie, 20 vloaz d'an ampoent.
Kaset e voe ur c'hannad dreistordinal, Manuel Teles da Silva, kentañ markiz Alegrete, davet Philipp Wilhelm von der Pfalz, tad Marie Sophie, tonket ar marc'had, ha sinet kontrad e 1687. 100 000 florin he doe en argouroù.
Eurediñ a reas Marie Sophie ha Pedro II Portugal e Lisboa d'an 11 a viz Eost 1687.
Eil pried ar roue Pedro II e oa.
He bugale[kemmañ | kemmañ ar vammenn]
Seizh bugel he doe Marie Sophie von der Pfalz :
- 1 - João (1688-1688), Priñs Brazil
- 2 - João V , roue Portugal
- 3 - Francisco Xavier, Dug Beja (1691-1742)
- 4 - António Francisco Xavier José Bento Teodósio Leopoldo Henrique (1695-1757),
- 5 - Teresa Maria Francisca Xavier Josefa Leonor (1696-1704),
- 6 - Manuel de Bragança, Infant Portugal, Kont Ourém, (1697-1736).
- 7 - D. Francisca Josefa (1699-1736).
He marv[kemmañ | kemmañ ar vammenn]
Mervel a reas da 33 bloaz.