Maria Tănase
Maria Tănase (1913-1963) a oa ur ganerez rouman.
Kanañ a rae kanaouennoù hengounel, koulz ha traoù nevez, tonioù tango pe operetta. Bras e voe he brud e Roumania. Keñveriet eo bet gant kanerezed evel Édith Piaf e Bro-C'hall pe Amália Rodrigues e Portugal. E-pad an tregont vloaz ma voe o kanañ, e veze sellet outi evel kanerez wellañ Roumania. Hiziv c'hoazh e talc'her soñj anezhi en he bro. E 2006 e oa bet lakaet en ur roll eus Kant den pouezusañ Roumania a-hed an istor.