Maria Francesca Rossetti

Eus Wikipedia
Sauter à la navigation Sauter à la recherche
Maria Francesca Rossetti um 1874.jpg
An tiegezh Rossetti. Poltred graet gant Lewis Carroll.

Maria Francesca Rossetti ( Londrez 1827 – 1876) a oa ur skrivagnerez saoznek hag ul leanez saoz.

He buhez[kemmañ | kemmañ ar vammenn]

Merc'h e oa da Gabriele Rossetti, ur barzh italian repuet e Londrez, ha d'e bried Frances Polidori. C'hoar e oa d'al livour Dante Gabriel Rossetti, da William Michael Rossetti, ha d'ar varzhez Christina Georgina Rossetti, a zedias dezhi he barzhoneg Goblin Market e 1862 .

Gouarnerez e voe en tier pinvidik e-pad bloavezhioù paourentez he familh, pa oa yec'hed he zad o vont war fallaat, hag ober a reas war-dro un dimezell anvet Lucy Madox Brown, a oa da vezañ c'hoar-gaer dezhi goude dimeziñ da William Michael Rossetti.

E 1873, d'he 46 vloaz, ez eas Maria da leanez gant ar gevredigezh The Society of All Saints Sisters of the Poor, un urzh leanezed anglikan savet e 1851. Lucy Madox Brown a fellas dezhi livañ he foltred en he dilhad urzh.

Skrivañ a reas The Shadow of Dante: Being an essay towards studying himself, his world, and his pilgrimage, a voe embannet e 1871.


Gant he c'hoar Christina e roads he foab d'an oaled St. Mary Magdalene Home for Fallen Women, e Highgate.

P'edo war ar varvskaoñ e klaskas, en aner, treiñ he breudeur ouzh ar relijion.

Oberennoù[kemmañ | kemmañ ar vammenn]

  • (EN) Maria Francesca Rossetti, A shadow of Dante : being an essay towards studying himself, his world and his pilgrimage, London, Rivingtons, 1871, ISBN 978-1108060769, SBN IT\ICCU\RAV\0198925.
  • (EN) Maria Francesca Rossetti, Exercises in idiomatic Italian through literal translation from the English, London, Williams and Norgate, 1867, ISBN 978-1108073318.
  • (EN) Maria Francesca Rossetti, Aneddoti italiani: Italian anecdotes, selected from "Il compagno del passeggio Campestre", London, Williams and Norgate, 1867, ISBN 978-1175408587.
  • (EN) Maria Francesca Rossetti, Letters To My Bible Class On Thirty-nine Sundays..., Nabu Press, 2011, ISBN 978-1271589845.
  • (EN) Maria Francesca Rossetti, The rivulets; a dream not all a dream, London, A. Dod, 1846, OCLC 42216558.
  • (EN) Maria Francesca Rossetti, Dante's Pilgrimage Through Hel, Kessinger Publishing, LLC, 2005, ISBN 978-1425344696.
  • (EN) Maria Francesca Rossetti, Dante's Pilgrimage Through Purgatory, Kessinger Publishing, LLC, 2010, ISBN 978-1162905099.
  • (EN) Maria Francesca Rossetti, Dante's Pilgrimage Through Paradise, Kessinger Publishing, LLC, 2010, ISBN 978-1162905976.
  • (EN) Maria Francesca Rossetti, Dantes Life Experience, Kessinger Publishing, LLC, 2010, ISBN 978-1425344689.