Maria Ana de Bragança (1843-1884)

Ur pennad Maria Ana de Bragança zo ivez.

Maria Ana de Bragança (1843-1884) a oa un infantez portugalat hag a zeuas da vout Priñsez Sachsen. Merc'h e oa da Ferdinand von Sachsen-Coburg-Gotha ha da Maria II, rouanez Portugal.

He mamm a varvas en 1853. He breur, ar roue Pedro V, a zimezas d'ar briñsez alaman Stephanie von Hohenzollern e 1858, a varvas bloaz goude. Mat a-walc'h en em glevas an div c'hoar-gaer, petra bennak ma ouzer, dre lizheroù, e rae fae an infantez portugalat war ar Saksonez.

Dimeziñ ha bugale

Dimeziñ a reas Maria Ana e 1859 da Georg (1832-1904), priñs Sachsen, ha ne voe roue Sachsen (1902-1904) nemet goude marv e bried Maria Ana. Eizh bugel o doe:

Marie Johanna Amalie Ferdinande Antonie Luise Juliane (1860 Dresden - 1861 Dresden)
Elisabeth Albertine Karoline Sidonie Ferdinande Leopoldine Antonie Auguste Clementine (1862 Dresden - 1863 Dresden)
Mathilde Marie Auguste Viktorie Leopoldine Karoline Luise Franziska Josepha (1863 Dresden - 1933 Dresden)
Friedrich August III Johann Ludwig Karl Gustav Gregor Philipp (1865 Dresden - 1932 Sibyllenort), diwezhañ roue Sachsen;
- dimezet da Luise von Österreich-Toskana;
Maria Josepha Luise Philippine Elisabeth Pia Angelica Margarethe (1867 Dresden - 1944 Kastell Wildenwart);
- dimezet da Otto, Arc'hdug Aostria
Johann Georg Pius Karl Leopold Maria Januarius Anacletus (1869 Dresden - 1938 Kastell Altshausen), dimezet div wech, hogen divugel:
- d'an dugez Maria Isabella von Württemberg (1871–1904)
- da Maria Immaculata di Borbone-Sicilia (1874–1906),
Maximilian Wilhelm August Albert Karl Gregor Odo (1870 Dresden - 1951 Freiburg), dizimez ha divugel;
Albert Karl Anton Ludwig Wilhelm Viktor (1875 Dresden - 1900 Wolkau), marvet da 25 bloaz, dizimez ha divugel.

He marv

Mervel a eure Maria Anna e miz Genver 1884, da 40 vloaz, e Dresden, hag eno e voe beziet.