Manurhin

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ.

Manurhin a oa un embregerezh armoù-tan gall, bet krouet e 1919 dindan an anv Manufacture de machines du Haut-Rhin ha diazezet e Mulhouse (Haut-Rhin). Produiñ a reas mekanikoù evit industriezh ar boued da gentañ, met treiñ a reas e 1922 war-zu ar produiñ munisionoù bihan o c'halibr. Kartouchennoù chase a savas da skouer, dindan an anv merk Fulma. Adalek 1945 e ledanaas e dachenn en ur sevel skouterioù, hag armoù-tan skañv, en ur broduiñ pistolennoù an embregerezh Walther dindan aotre, evel ar PP, ar PPK hag ar P38. Ober a reas ivez fuzuilhoù-arsailh SIG SG 540 dindan aotre er bloavezhioù 1970 ha 1980.

Brud a dapas Manurhin adalek ar bloavezhioù 1970 gant e revolverioù : an MR 73, implijet gant ar GIGN gall da skouer, hag ar Manurhin MR 88, implijet gant polisoù ar vro-se. E 1998 e tivizas gwerzhañ e rann armoù skañv da Chapuis. Er bloavezhioù 2000 e voe adprenet gant ar strolladoù Matra ha Nexter, a-raok bezañ gwerzhet e 2018 d'ar strollad emiratat Emirates Defense Industries Company^[1]. Adanvet eo bet Manufacture du Haut-Rhin, hag ispisializet eo bremañ war sevel ha staliañ mekanikoù evit produiñ munisionoù^[2].

Produioù

Armerezh

Revolverioù ha pistolennoù

Walther PP (dindan aotre)
Walther PPK (dindan aotre)
Walther P38 (dindan aotre)
MR 73
MR 88
MR 93
MR 96
RMR

Ur SIG SG 540 produet gant Manurhin

Fuzuilhoù-arsailh

SIG SG 540 (dindan aotre)

Munisionoù

Kartouchennoù chase (merk Fulma)
Obuzioù 20 × 102 mm hag 20 × 139 mm
Obuzioù 30 × 113 mm (evit kanolioù DEFA ar c'hirri-nij Jaguar, Mirage, Super-Étendard)
Obuzioù 35 × 228 mm ha 40 mm Bofors
Roketennoù evit an LRAC F1
Ur skouter Manurhin DKW (1958)

A bep seurt

Skouter Manurhin

Levrlennadur

(fr) BASTIÉ Jean-Pierre, CASANOVA Daniel, Les pistolets Manurhin : pistolets automatiques, revolvers et fusils d'assaut, Crépin-Leblond, 2015, 168 p., ISBN 9782703004035

Daveennoù

↑ (fr) PERRU Axel, Manurhin, ancien fleuron de l’industrie française, passe sous contrôle émirien, La Croix, 06/08/2018 (lennet d'ar 07/05/2025)
↑ (fr) MANUFACTURE DU HAUT-RHIN (MANURHIN), L'Industrie Recrute (lennet d'ar 07/05/2025)

Stag eo ar bajenn-mañ ouzh Porched an Armoù-tan

[1] (fr) PERRU Axel, Manurhin, ancien fleuron de l’industrie française, passe sous contrôle émirien, La Croix, 06/08/2018 (lennet d'ar 07/05/2025)

[2] (fr) MANUFACTURE DU HAUT-RHIN (MANURHIN), L'Industrie Recrute (lennet d'ar 07/05/2025)

[1]

[2]