Mannlicher M1893
| Mannlicher M1893 | |
|---|---|
 Ur fuzuilh Mannlicher M1893 (en nec'h) hag he stumm karabinenn (en traoñ) | |
| Kinnig | |
| Bro |  Aostria-Hungaria |
| Doare | Fuzuilh |
| Mont en-dro | Tennata dre zorn, dre vorailh |
| Munisionoù | 6,5 × 53 mm R 8 × 50 mm Mannlicher 7,92 × 57 mm Mauser .22 Long Rifle (stummoù pleustriñ) |
| Bloavezh krouidigezh | 1893 |
| Ijinerien | Ferdinand Mannlicher Otto Schönauer |
| Produer | (ŒWG (Österreichische Waffenfabriksgesellschaft) |
| Mare implij | 1893–Brezel-bed Kentañ (Roumania) |
| Perzhioù teknikel (fuzuilh / karabinenn) | |
| Mas (hep kartouchenn) | 4,06 kg / 3,29 kg |
| Hirder | 1.227 mm / 978 mm |
| Hirder ar c'hanol | 725 mm / 450 mm |
| Tizh mont e-maez ar boledoù | 731 m/s (e 6,5 × 53 mm) |
| Hed-tenn d'ar muiañ | 2.100 m |
| Endalc'h | Karger diabarzh 5 kartouchenn pourveziet gant ur c'hlip |
| Lezenn | |
| Rummad e Bro-C'hall | D |
Ar Mannlicher Modell 1893 a zo ur fuzuilh tennata dre zorn ijinet gant Ferdinand Mannlicher hag Otto Schönauer. Produet e oa gant an embregerezh aostrian ŒWG[1] (Österreichische Waffenfabriksgesellschaft, bremañ Steyr Arms). Dibabet e voe e 1893 evel arm standart gant arme Roumania, ha gant Rouantelezh Portugal e 1896. Implijet e voe ar Mannlicher M1893 gant Roumania e-pad ar Brezel-bed Kentañ.
Deskrivadur
[kemmañ | kemmañ ar vammenn]Ar Mannlicher M1893 a oa dezhi ur sistem adarmiñ e peder fazenn gant ur vorailh "klasel", ha n'eo ket unan linennek evel war armoù all ar sistem Mannlicher evel an M1895. Ur c'harger diabarzh 5 kartouchenn he doa, pourveziet dre glipoù. Kambret e oa e 6,5 × 53 mm R[2]. Ur stumm karabinenn berroc'h a voe savet diwarni, evit ezhommoù ar marc'hegerezh.
War-dro 400.000 skouerenn a voe prenet gant Rouantelezh Roumania adalek 1893, ha war-dro 12.000 gant Portugal. Ul lodenn eus ar re broduet gant ar vro-se a voe adkambret e .22 Long Rifle e 1946 evit servijout evel armoù-kelenn evit ar soudarded nevez[3]. An M1893 a oa c'hoazh e magazennoù Steyr da vare ar Brezel-bed Kentañ a voe adkambret e 8 × 50 mm Mannlicher evit bezañ implijet gant arme Aostria-Hungaria[1]. Ur stumm sivil a voe kinniget gant Steyr e 1904 ivez : kambret e oa e 7,92 × 57 mm, ur munision implijet er fuzuilhoù alaman Gewehr 88 ha Gewehr 98.
Ur stumm bihan eus ar Mannlicher M1893, kambret e 5,7 × 33 mm R Sommerda, a voe produet evit ar priñs roumanat yaouank Carol II war-dro 1899. Miret eo ar skouerenn nemeti e Mirdi Milourel Broadel Roumania hiziv an deiz.
Tresadennoù teknikel an M1893 (1900)
Marc'hegeien bortugalat gant karabinennoù M1893
Ar fuzuilh etre daouarn un dispac'hour gresian (war-dro 1904-1908)
Un archer pe gward toull-bac'h roumanat gant un M1893 (luc'hskeudenn tapet etre 1933 ha 1941)
.jpg)
.jpg)
.jpg)
Daveennoù
[kemmañ | kemmañ ar vammenn]- 1 2 (en) POPENKER Maxim, Mannlicher M1893 rifle (Romania), M1895 rifle (Netherlands), Modern Firearms (lennet d'an 02/06/2025)
- ↑ (fr) Mannlicher roumain 1893, Arme et Passion (lennet d'an 02/06/2025)
- ↑ (fr) BARRET Marc, La carabine Steyr-Mannlicher Mod. 1896 en cal. .22 LR, Cibles n°660, miz Even 225, pp. 52-56
