Makoto Noguchi

Eus Wikipedia
Mont da : merdeiñ, klask

NOGUCHI Makoto[1] zo ur brezhoneger japanat. En e yaouankiz e oa pa zegouezhas e Breizh e 1970 evit studiañ e skol-veur Breizh-Uhel e Roazhon.
Deskiñ a reas brezhoneg eno gant ar studierien vrezhoneg, ha diwezhatoc'h ez eas da Vreizh-Izel da chom. Dimeziñ a reas eno, ha tad ur mab e voe. Labourat a reas e Landelo, ha goude e Kemper. Goude ouzhpenn 20 vloaz e Breizh e tistroas da Japan.

Japaniz all o deus desket brezhoneg, met eñ e oa an hini kentañ, an hini a voe o chom ar pellañ e Breizh, hag a gomze ar gwellañ(Daveoù a vank), hag an hini nemetañ en deus laosket roud skrivet e brezhoneg. A-gevret gant Yann-Erwan Abalan, Iwan Gadored ha Martial Ménard en devoa kenlabouret da gempenn Kontadennoù ar Bobl evit an embann.

Oberennoù brezhonek[kemmañ | kemmañ ar vammenn]

E Roazhon, e Peurid (e skol Penn-ar-C'hoad), hag e Brest e voe c'hoariet.
  • Ar vro na ra ket erc'h enni, pezh-c'hoari, 1972, embannet er gelaouenn Sav Breizh niv. 10.
  • Peder mogedenn, barzhoneg, 1973, embannet en Al Liamm niv. 159.
  • En Al Liamm niv. 163 (1974) ez embannas Makoto Noguchi e droidigezh vrezhonek eus ur varzhoneg dizanv bet skrivet gant Andrè Combettas.
  • Marvailhoù ar Sav-Heol, 1991, dastumad pevarzek kontadenn troet diwar ar japaneg, skeudennoù gant Alan Kervern, An Here, ISBN 978-2-86843-78-3

Notennoù[kemmañ | kemmañ ar vammenn]

  1. Anv an tiegezh a lakaer da gentañ e Japan, evel e Sina.
  2. Lec'hienn Al Liamm