MP-443 Grach
| MP-443 Grach Pistolenn Yarigina | |
|---|---|
 Ur bistolenn PP-443 | |
| Kinnig | |
| Bro |  Rusia
|
| Doare | Pistolenn damaotomatek, daou-ober |
| Mont en-dro | Tennata dre argil berr |
| Munisionoù | 9 × 19 mm Parabellum, stumm rusian 7N21 |
| Produerien | Uzin Mekanikerezh Ijevsk (2003-2013) Kalachnikov (abaoe 2013) |
| Mare implij | Abaoe 2003 (arme Rusia) |
| Meneger GRAU | 6P35 |
| Pouez ha muzulioù | |
| Mas (hep kartouchenn) | 0,950 kg |
| Hirder | 198 mm |
| Hirder ar c'hanol | 112,5 mm |
| Perzhioù all | |
| Hed-tenn efedus | 50 m |
| Tizh mont e-maez ar boledoù | 450 m/s |
| Lusk-tennañ | 40-45 tenn/mn |
| Endalc'h | Karger fiñv 17 kartouchenn (a-raok 2004) pe 18 kartouchenn |
| Lezenn | |
| Rummad e Bro-C'hall | B |
An MP-443 Grach (rusianeg : MП-443 Грач), anvet ivez PYa (ПЯ, berradur Пистолет Ярыгина, pistolet Yarigina, diwar anv e grouer), zo ur bistolenn damaotomatek daou-ober, e servij e arme Rusia abaoe 2003. Produet e vez gant an embregerezh Kalachnikov hiziv an deiz.
Istor ha desrkivadur
[kemmañ | kemmañ ar vammenn]E 1993 e c'houlennas an arme rusian kaout un arm-dorn nevez e plas ar Makarov. Fellout a rae dezhe e c'hallje an arm bezañ kambret e 9 mm Makarov, 9 mm Parabellum ha 7,62 mm Tokarev[1]. Vladimir Aleksandrovich Yarigin, a laboure e Uzin Mekanikerezh Ijevsk (hiziv ar strollad Kalachnikov), a ginnigas ur bistolenn diazezet war gwikefre ar Browning Hi-Power dre argil berr ar c'hanol, gant un endalc'h uhel (17 kartouchenn da gentañ)[2].
Grach ("frav du") e voe lesanvet e-pad an amprouennoù gant an arme, a zibabas e dibenn ar bloavezhioù 1990 implijout kartouchennoù 9 mm Parabellum hepken a-benn ar fin, er standard rusian 7N21, da lavaret gant ur gargad poultr kreñvoc'h a-benn gellet toullañ dilhad enepboled[3]. Dibabet e voe e 2003 en ur mod ofisiel gant an arme[1]. Adalek 2004 e voe pourveziet gant ur c'harger 18 tenn.
Stummoù
[kemmañ | kemmañ ar vammenn]Ur stumm anvet PP-446 Viking zo bet savet evit an ezporzhiañ. Damheñvel eo met n'hall ket tennañ ar c'hartouchennoù 7N21. Gwerzhet eo bet da vroioù all evel Kazakstan. Ur stumm sivil anvet PP-446S a zo anezhañ, dezhañ ur c'harger 10 tenn hepken[2]. Ar PP353 hag ar PP-472 zo stummoù nann-varvus graet evit tennañ boledoù kaoutchoug hepken[2].
Implij
[kemmañ | kemmañ ar vammenn]Skouerennoù kentañ an arm a vije bet etre daouarn un nebeud soudarded rusian da vare eil brezel Tchetchenia (1999-2000)[2]. Dasparzh ledan ar PP-446 a oa kroget e 2016 hepken da vat. Da vare brezel Ukraina goude 2023 eo bet merzet e oa an arm gant isofiserien hag ofiserien dreist-holl. Skouerennoù seziset a vez implijet gant soudarded Ukraina ivez[4].
Er sevenadur
[kemmañ | kemmañ ar vammenn]An MP-443 a c'haller implijout en un nebeud c'hoarioù video evel reoù ar rummadoù Battlefield, Call of Duty ha World of Guns: Gun Disassembly[5].
Daveennoù
[kemmañ | kemmañ ar vammenn]- ↑ 1,0 ha1,1 (en) POPENKER Maxim, Yarygin PYa/Grach, Modern Firearms (lennet d'an 01/11/2025)
- ↑ 2,0 2,1 2,2 ha2,3 (en) SOF Eric, MP-443 Grach: An Overview of Russia’s Military Standard Sidearm, Combat Operators, 23/02/2023 (lennet d'ar 01/11/2025)
- ↑ (en) PYa Yarygin pistol, war lec'hienn an embregerezh Kalachnikov (lennet d'an 01/11/2025)
- ↑ (en) The MP-443 Pistol In Ukraine, The Armourer's Bench, 24/04/2022 (lennet d'ar 01/11/2025)
- ↑ (en) Yarygin PYa, IMFDB (lennet d'an 01/11/2025)
