Louzoù Provañs

Louzoù Provañs

Iskevrennad eus	spice mix
Anv er yezh orin	èrbas de Provença, herbes de Provence
Bro orin	Frañs

 

 Eus Wikidata

Louzoù Provañs (èrbas de Provença e provañseg, distaget [ˈɛr.bəs də pʁuˈveⁿsɔ]) zo ur meskaj louzoù frondus hengounel eus keginerezh Provañs, fresk pe sec'het. Enno ez eus alies santurig, marjol-liorzh, roumarin, tin, marjol-ki hag all. Implijet e vez evit temzañ ar boued grilhet, ar c'heusteurennoù, ar soubennoù.

Aozennoù all zo : tin-lann, bazilik, serfilh, stragon, livech, saoj, lore-kegin ha fanouilh.

Lod euz al louzoù-se a gaver er boked louzoù.

E-pad pell e veze kutuilhet al louzeier-se en natur. Er bloavezhioù 1960 e krogas un embregerezh da werzhañ ur meskaj louzeier sec'h dindan an anv kenwerzhel « herbes de Provence » hag a reas berzh bras. Anv ar meskaj-se n'eo ket gwarezet eta.

• Un nebeud louzeier Provañs
• 
  Tin
• 
  Roumarin
• 
  Marjol-ki
• 
  Santurig
• 
  Bazilik

Gounezet e vez al louzoù-se el liorzhoù legumaj, pe e podoù, met ivez gant an industriezh gounezvouedel.

• 
  Louzoù Provañs sec'het.
• 
  Saladenn keuz gavr tomm gant eoul olivez ha louzoù Provañs, eus keginerezh Provañs.
• 
  Boked louzoù gant tin, lore-kegin ha roumarin.

Kestad louzoù Provañs (tin, roumarin, bazilik, perisilh).

Nemet 10 % eus al louzoù Provañs sec'h gwerzhet e Frañs a vez gounezet e Frañs. 95 % eus ar meskajoù anvet « Herbes de Provence » a zeu hiziv eus broioù Europa kreiz hag ar reter (Polonia hag Albania da gentañ), eus Maghreb, pe eus Sina. Degaset e vezont gant kevredadoù eus Marselha evit pourveziñ o labouradegoù arbarañ, evel Ducros, Gyma pe Amora Maille.

Ar produadur rannvroel a vez implijet gant an industriezh-se ivez evit ober louzoù sec'h pe skornet. N'eus ket sifroù evit al louzoù fresk, met kavet e vezont stank war marc'hadoù Provañs.

Ul label ruz zo bet krouet gant Ensavadur broadel an orin hag ar c'halite (INAO), gant ur rekipe a 27% a roumarin, 27 % a varjol-ki, 27% a santurig ha 19% a din.