Lostger

Eus Wikipedia
(Adkaset eus Lostgerioù)
Sauter à la navigation Sauter à la recherche

Er yezhoniezh e vez implijet an termen lostger (saoz: suffix) evit komz eus ur morfem stag implijet evel kenger staget ouzh diwezh ur morfem pennañ, anvet ar wrizienn, da skouer:

bras > brasder
kan- > kan

Bez e c'hellont bezañ berniet ivez a-wezhoù an eil war-lerc'h egile hag implijet war un dro gant rakgerioù, da skouer:

gall > galleg > gallekaat > dic'hallekaat

Perzh pennañ ar yezhoù daspegel eo ar fed ma vez berniet gante meur a genger an eil war-lerc'h egile, en o zouez lostgerioù, da skouer

Meur a lostger ren-ouzh-renk
Turkeg
göz « lagad »
gözlük « lunedoù »
gözlükçü « un den a werzh lunedoù »
gözlükçülük « gwerzhañ lunedoù »
gözlükçülükte « gwerzherezh lunedoù »

Koulz steroniel ha kevreadurezhel a c'hell bezañ arc'hwel ul lost ger:

  • Arc'hwel kevreadurezhel

Bez' e c'hell ul lostger kaout un arc'hwel kevreadurezhel pa dalvez evit deveradurezh ur ger all, da skouer:

Kemmañ rummad yezhadurel
Brezhoneg
sklaer (anv-gwan) > sklaerder
Merkañ an niver)
Brezhoneg
paotr > paotred
Displegadur ar verboù
Brezhoneg
kan- > kanan, kanez...
Displegadur an anvioù
Finneg
talo (nominativel) > talossa (inesivel)
« ti » > « en (un) ti »
  • Arc'hwel steroniel

Diouzh an tu all avat e c'hell ul lostger kaout un arc'hwel steroniel pa dalvez evit kemmañ ster ur ger, da skouer:

Kemm steroniel
Saozneg
red « ruz » (anv-gwan) > reddish « damruz »

Evit a sell ouzh implij ar c'hengerioù e brezhoneg e talvez al lostgerioù evit kas da benn kemmoù kevreadurezhel peurliesañ keit ha ma talvez ar rakgerioù evit kas da benn kemmoù steroniel, keñveriit:

Brezhoneg
Kenger kevreadurezhel: lostger
klev- > klevet
Kenger steroniel: rakger
klev- > heklev

Lostgerioù brezhonek[kemmañ | kemmañ ar vammenn]

Setu amañ ul listenn eus ar lostgerioù brezhonek, gant pennadoù diwar-benn pep hini.

Gwelit ivez[kemmañ | kemmañ ar vammenn]