Liberator (pistolenn)
Arabat eo droukveskañ gant FP-45 Liberator.| Liberator | |
|---|---|
 Ur bistolenn Liberator | |
| Kinnig | |
| Bro |  Stadoù-Unanet Amerika |
| Doare | Pistolenn un-tenn |
| Munision | .380 ACP |
| Ijiner | Defense Distributed |
| Mare produiñ | Abaoe 2013 |
| Perzhioù teknikel | |
| Mas (hep kartouchenn) | 0,454 kg |
| Hirder | 216 mm |
| Hirder ar c'hanol | 64 mm |
| Hed-tenn pleustrek | Un nebeud metradoù |
| Endalc'h | Ur gartouchenn |
| Lezenn | |
| Rummad e Bro-C'hall | ? |
Al Liberator zo ur bistolenn un-tenn a c'haller moullañ e 3D. Skignet e voe e steuñv adalek 2013 gant an embregerezh stadunanat Defense Distributed.
Ar wech kentañ e oa e veze skignet en ur mod ken ledan steuñvioù un arm a c'haller moullañ e 3D war internet. Daou zevezh goude bezañ lakaet war lec'hiennoù evel The Pirate Bay e oant bet pellgarget ouzhpenn 100 000 gwech. An Directorate of Defense Trade Controls, un aozadur gouarnamantel stadunanat, a c'houlennas diouzhtu e vijent tennet diwar ar genrouedad evit stourm ouzh an trafikerezh armoù-tan. Nac'het e voe gant The Pirate Bay da skouer, en anv frankiz internet[1]. Donald Trump, en e resped kentañ, a glaskas aotreiñ skignadenn steuñvioù an arm, pa voe graet ar c'hontrol gant Joe Biden. Goude argerzhadurioù barnerezhel a bep seurt, ar justis stadunanat a aotreas steuñvioù an arm e 2021[2].
Mont en-dro
[kemmañ | kemmañ ar vammenn]Un arm un-tenn eo al Liberator, e danvez plastek penn-da-benn, war-bouez e skoer (un tach anezhañ e gwirionez). Kambret eo e .380 ACP. Evit kargañ anezhañ e ranker tennañ e ganol, ensoc'hañ ur gartouchenn ennañ hag adviñsañ ar c'hanol. Abalamour d'e zanvez e c'hall tennañ betek 10 kartouchenn en holl d'ar muiañ a-raok terriñ.
Ur bistolenn Liberator (a-gleiz), he zri c'hanol (a-zehou), he skoer hag ur gartouchenn .380 ACP (en traoñ).- Un amprouenn eus al Liberator graet gant an ATF stadunanat.
- Un amprouenn all gant an ATF, gant ur bistolenn savet e VisiJet.
Daveennoù
[kemmañ | kemmañ ar vammenn]- ↑ (en) Ernesto Van der Sar, Pirate Bay Takes Over Distribution of Censored 3D Printable Gun, Torrent Freak, 10/05/2013 (lennet d'ar 05/05/2026)
- ↑ (en) Nicholas Iovino, Ninth Circuit Lifts Ban on 3D-Printed Gun Blueprints, Courthouse News Service, 27/04/2021 (lennet d'ar 05/05/2026)
