Les Galettes de Pont-Aven

Les Galettes de Pont-Aven (Galetez Pont-Aven e brezhoneg) zo ur film gall, sevenet gant ar filmaozour ha romantour gall Joël Séria e 1975.

L'Oie blanche (Ar Waz wenn e brezhoneg) eo an titl a oa bet dibabet da gentañ-penn.

Fichenn deknikel

• Doare : Komedienn/Drama,
• Senario ha divizoù : Joël Séria,
• Produour : Coquelicot Films, Trinacra Films hag Orphée Films,
• Skeudenniñ : Marcel Combes,
• Son : Gérard Barra,
• Sonerezh : Philippe Sarde,
• Frammañ : Étiennette Muse,
• Kinkladur : Christian Lemarque,
• Gwiskamantoù : ,
• Prantad filmañ : bet kroget e deroù miz Ebrel 1975,
• Lec'hioù filmañ : trowardroioù Pariz, Pont-Aven (Penn-ar-Bed),
• Deiziad dont er-maez : 20 a viz Eost 1975,
• Padelezh : 105'.

An danvez

Ren a ra Henri Serin, gwerzhour disglavieroù diouzh e vicher, ur vuhez dister. Livañ a ra evit e blijadur ha sorc'hennet eo gant ar fulenned o revr mentet-kaer...a blij kalz dezhañ taolenniñ. Ober a ra anaoudegezh gant Émile, ul livour bras e c'henoù. Hemañ a ro tro dezhañ da gejañ gant ur gaer a Ganadianez hag a ra dezhañ mont diouzh e familh ; chom a reont asambles e-pad un nebeud devezhioù entanet. Menel a ra sac'het e Pont-Aven e-lec'h ma krog da evañ betek re. Padal, aze ec'h adkav ur vuhez reizh a-drugarez da gened ha koantiri Marie : ober a ra e soñj d'ober e annez eno da werzhañ galetez.

Roll ar gomedianed pennañ

• Jean-Pierre Marielle : Henri Serin,
• Bernard Fresson : Émile,
• Jeanne Goupil : Marie,
• Dolores McDonough : Angéla,
• Claude Piéplu : ar pirc'hirin/ar barzh,
• Andréa Ferréol : an itron Licquois, ar genwerzhourez,
• Romain Bouteille : an aotrou Person,
• Dominique Lavanant : Marie Pape, ar c'hast.

N'haller ket lavaret e roe an dudenn c'hoariet gant Dominique Lavanant, ur vrav a skeudenn eus Breizh : gwisket ha koefet evel ur Vigoudenn e ra Marie Pape he micher a c'hast, kemeret ganti un taol-mouezh eus ar souezhusañ, zoken evit ur gwir Vigoudenn !