Lawrence (Kansas)
| Deiziad krouiñ | 1854  |
|---|---|
| Anv ofisiel | Lawrence |
| Stad | Stadoù-Unanet |
| Kêr-benn eus | Douglas County |
| E tiriad | Douglas County |
| Gwerzhid-eur | Central Time Zone |
| Located in the statistical territorial entity | Lawrence metropolitan area |
| Territory overlaps | Lawrence urban area |
| Daveennoù douaroniel | 38°58′18″N 95°14′7″W |
| Post dalc'het gant penn ar gouarnamant | Mayor of Lawrence, Kansas |
| Penn an aotrouniezh | Bart Littlejohn |
| Gevellet gant | Mesolongi, Eutin |
| Kod-post | 66044, 66045, 66046, 66047, 66049 |
| Lec'hienn ofisiel | https://lawrenceks.org/ |
| Kod pellgomz an takad | 785 |
Lawrence zo ur gêr e stad Kansas, e Stadoù-Unanet Amerika. Sez kontelezh Douglas eo, 40 km er c'hornôg da Gankas City. Treuzet eo gant ar stêr Kansas. 87 643 den a oa o chom eno e 2010. E Lawrence emañ skol-veur Kansas, ha skol-veur Haskell ar Broadoù indian.
Istor
[kemmañ | kemmañ ar vammenn]D'an 21 a viz Mae 1856 e c'hoarvezas dizalbad Lawrence : ur vandennad armet a 800 milisian deuet eus Missouri, ar sherif Samuel J. Jones (1820-1880) ha senedour Missouri David Rice Atchison en he fenn, a zistrujas div gazetenn a-enep ar sklaverezh e Lawrence, ar Kansas Free State hag an Herald of Freedom[1].
D'an 21 a viz Eost 1863 a c'hoarvezas lazhadeg Lawrence, un darvoud gwadus e-pad ar Brezel diabarzh amerikan. Guerilleros ar forbann William Quantrill, deuet eus Missouri, a rae gwll droioù e Kansas. Taget e voe ar gêr gant etre 300 ha 450 paotr e tarzh an deiz ha lazhañ a rejont ouzhpenn 180 a baotred ha paotredigoù[2], lakaat a rejont tan en ur c'hard eus ar gêr, da lavaret eo e voe devet 185 ti, ha preizhañ a rejont tost holl ar stalioù ha tiez-bank.
Douaroniezh
[kemmañ | kemmañ ar vammenn]Kêrioù nes : Kansas City (40 km er reter), Topeka (30 km er c'hornôg).
Tud brudet
[kemmañ | kemmañ ar vammenn]Ganedigezhioù
[kemmañ | kemmañ ar vammenn]- Erin Brockovich, sacherez evezh ha stourmerez an endro
Marvioù
[kemmañ | kemmañ ar vammenn]- James E. Gunn, skrivagner skiant-faltazi
Gevelliñ
[kemmañ | kemmañ ar vammenn]
Er sevenadur poblek
[kemmañ | kemmañ ar vammenn]Er skinwel
[kemmañ | kemmañ ar vammenn]E Lawrence e c'hoarvez ul lodenn eus istor an telefilm eus 1983 The Day After, ha senennoù eus ar film a zo bet troet e kêr[3].
Er stirad Supernatural eo ganet e Lawrence an daou vreur Sam ha Dean Winchester. Krouer ar stirad Eric Kripke en deus divizet lakaat ar vreudeur da zont e Lawrence rak emañ bered Stull e-kichen, ha brudet eo evit he mojennoù-kêr[4].
Er stirad Jericho e 2006 eo distrujet ar gêr penn da benn[5].
El lennegezh
[kemmañ | kemmañ ar vammenn]Un toullad romantoù gant ar skrivagner skiant-faltazi James E. Gunn a c'hoarvez e Lawrence, evel The Immortals (1964) hag a zo bet diazez an telefilm ABC ha stirad skinwel The Immortal (1969-1971)[6].
Er sonerezh
[kemmañ | kemmañ ar vammenn]Emañ ar ganaouenn "Lawrence KS" e-barzh albom 2002 Golden Age of Radio gant ar c'haner folk stadunanat Josh Ritter[7].
En albom Mission California eus 2007 gant Cross Canadian Ragweed emañ ar ganaouenn "Lawrence" hag a zo bet awenet gant ur familh digledoureien en deus kejet gant ar strollad da vare Nedeleg pa oa o weladenniñ kêr[8].
Daveoù
[kemmañ | kemmañ ar vammenn]- ↑ KU Libraries Sunset e territorialkansasonline.org.
- ↑ Donald L Gilmore, Civil War on the Missouri-Kansas border, 2005, Pelican Publishing Company, (ISBN 978-1589803299), pages 157-158.
- ↑ The Movie 'The Day After' Put Ronald Reagan In Damage Control Over Nuclear Weapons | War History Online e warhistoryonline
- ↑ "Supernatural : Your Burning Questions Answered !" e TV Guide
- ↑ N. Lawrence looking to benefit from publicity for CBS drama e LJWorld.com
- ↑ Kenneth Spencer Research Library Blog » Remembering James E. Gunn and His Alternate Worlds
- ↑ Golden Age of Radio - Josh Ritter 6 a viz Ebrel 2024.
- ↑ Mass. St. muse e LJWorld.com