Lard sul

Lard sul pe lard Naoned a zo ur meuz graet gant ur c'harrez kostezenn voc'h a zo bet miret al lard hag an donenn anezhañ, lakaet war kourailhoù en ur plad ha krazet er forn en ur bouilhoñs dre Vuskadig ha gant louzoù-kegin a-raok ouzhpennañ ognon ha legumaj. Dont a reas ar meuz marc'hadmat-mañ war-wel en XIX^vet kantved e-touez ar familhoù micherourien e Naoned. Dleout a ra bezañ poazhet goustadik, setu perak e veze aozet da Sul dreist-holl.

Hiziv e vez debret tomm pe yen en ur saladenn, e Naoned pe kostez Nozieg ha Savenneg

Gwelet ivez

• Sul al Lard